உர்வா பின் அஸ்-ஸுபைர் (ரஹ்) அவர்கள் கூறியதாவது:
நான் அப்துல்லாஹ் பின் அம்ர் (ரலி) அவர்களிடம், "இணைவைப்பாளர்கள் அல்லாஹ்வின் தூதர் (ஸல்) அவர்களுக்குச் செய்த தீங்குகளில் மிகக் கடுமையானது எது?" என்று கேட்டேன். அதற்கு அவர்கள், "நபி (ஸல்) அவர்கள் தொழுதுகொண்டிருந்தபோது உக்பா பின் அபீ முஐத் வந்ததை நான் கண்டேன். அவன் தனது மேலாடையை நபி (ஸல்) அவர்களின் கழுத்தில் போட்டு, மிகக் கடுமையாக நெரித்தான். அப்போது அபூபக்ர் (ரலி) அவர்கள் வந்து, அவனை (உக்பாவை) நபி (ஸல்) அவர்களை விட்டுத் தள்ளிவிட்டு, 'என் இறைவன் அல்லாஹ் என்று கூறுவதற்காக ஒரு மனிதரைக் கொல்கிறீர்களா? அவரோ உங்கள் இறைவனிடமிருந்து தெளிவான சான்றுகளை உங்களிடம் கொண்டு வந்துள்ளார்' என்று கூறினார்கள்" எனப் பதிலளித்தார்கள்.

உர்வா பின் அஸ்-ஸுபைர் அறிவித்தார்கள்:

நான் அப்துல்லாஹ் பின் அம்ர் பின் அல்-ஆஸ் (ரழி) அவர்களிடம், இணைவைப்பாளர்கள் அல்லாஹ்வின் தூதர் (ஸல்) அவர்களுக்குச் செய்த தீமைகளிலேயே மிகவும் கொடியது எதுவென்று எனக்கு அறிவிக்குமாறு கேட்டேன். அவர்கள் கூறினார்கள்: "அல்லாஹ்வின் தூதர் (ஸல்) அவர்கள் கஃபாவின் முற்றத்தில் தொழுதுகொண்டிருந்தபோது, உக்பா பின் அபீ முஐத் என்பவன் வந்து அல்லாஹ்வின் தூதர் (ஸல்) அவர்களின் தோளைப் பிடித்து, அவர்களின் ஆடையை அவர்களின் கழுத்தைச் சுற்றித் திருகி, அவர்களைக் கடுமையாக நெரித்தான். அபூபக்கர் (ரழி) அவர்கள் வந்து உக்பாவின் தோளைப் பிடித்து, அவனை அல்லாஹ்வின் தூதர் (ஸல்) அவர்களிடமிருந்து அப்பால் தள்ளிவிட்டு,

'அத்தக்துலூன ரஜுலன் அன் யகூல ரப்பியல் லஹு வ கத் ஜாஅக்கும் பில் பய்யினாதி மிர் ரப்பிக்கும்?'

"ஒரு மனிதர் 'என் இறைவன் அல்லாஹ்' என்று கூறுவதாலும், அவர் உங்கள் இறைவனிடமிருந்து உங்களிடம் தெளிவான சான்றுகளுடன் வந்திருப்பதாலும் அவரை நீங்கள் கொல்வீர்களா?" என்று கூறினார்கள். (அல்குர்ஆன் 40:28)