இப்னு அப்பாஸ் (ரழி) அவர்கள் அறிவித்தார்கள்:
அல்லாஹ்வின் தூதர் (ஸல்) அவர்கள் உளூ செய்தார்கள். அவர்கள் ஒரு கையளவு (தண்ணீர்) அள்ளி, அதனால் வாய் கொப்பளித்து, மூக்கிற்கு நீர் செலுத்தி (அதை வெளியேற்றிக்) சுத்தம் செய்தார்கள். பிறகு, மற்றொரு கையளவு (தண்ணீர்) அள்ளித் தமது முகத்தைக் கழுவினார்கள். பிறகு, மற்றொரு கையளவு (தண்ணீர்) அள்ளித் தமது வலது கையைக் கழுவினார்கள். பிறகு, மற்றொரு கையளவு (தண்ணீர்) அள்ளித் தமது இடது கையைக் கழுவினார்கள். பிறகு, அவர்கள் தமது தலை மற்றும் காதுகளுக்கு மஸஹ் செய்தார்கள்; காதுகளின் உட்பகுதியைத் தமது ஆள்காட்டி விரலாலும், வெளிப்பகுதியைத் தமது பெருவிரலாலும் (மஸஹ் செய்தார்கள்). பிறகு, மற்றொரு கையளவு (தண்ணீர்) அள்ளித் தமது வலது காலையும், பிறகு, மற்றொரு கையளவு (தண்ணீர்) அள்ளித் தமது இடது காலையும் கழுவினார்கள்.