அபூ ஹுரைரா (ரழி) அவர்கள் அறிவித்தார்கள்:
அல்லாஹ்வின் தூதர் (ஸல்) அவர்கள் நஜ்துப் பகுதியை நோக்கி குதிரை வீரர்களை அனுப்பினார்கள். அவர்கள் பனூ ஹனீஃபா குலத்தைச் சேர்ந்த, யமாமா வாசிகளின் தலைவரான துமாமா பின் உஸால் என்று அழைக்கப்படும் ஒரு மனிதரைக் கொண்டு வந்து, அவரைப் பள்ளிவாசலின் தூண்களில் ஒன்றில் கட்டினார்கள். அவரிடம் அல்லாஹ்வின் தூதர் (ஸல்) அவர்கள் புறப்பட்டு வந்து, "துமாமாவே! உன்னிடம் என்ன (செய்தி) இருக்கிறது?" என்று கேட்டார்கள். அவர், "முஹம்மதே! என்னிடம் நல்லதே இருக்கிறது" என்று பதிலளித்தார். பிறகு (அறிவிப்பாளர் முழு) ஹதீஸையும் குறிப்பிட்டார். (இறுதியில்) நபி (ஸல்) அவர்கள், "துமாமாவை அவிழ்த்து விடுங்கள்" என்று கூறினார்கள்.

அபூ ஹுரைரா (ரழி) அவர்கள் அறிவித்தார்கள்:

நபி (ஸல்) அவர்கள் நஜ்த் பகுதிக்குச் சில குதிரை வீரர்களை அனுப்ப, அவர்கள் பனீ ஹனீஃபா கோத்திரத்தைச் சேர்ந்த துமாமா பின் உஸால் என்பவரைக் கைதுசெய்து கொண்டு வந்து மஸ்ஜித்தின் தூண்களில் ஒன்றில் கட்டினார்கள்.

அபூ ஹுரைரா (ரலி) அவர்கள் கூறியதாவது:
அல்லாஹ்வின் தூதர் (ஸல்) அவர்கள் நஜ்த் நாட்டை நோக்கித் தமது குதிரைப் படையொன்றை அனுப்பினார்கள். அப்படையினர் யமாமா வாசிகளின் தலைவரான துமாமா பின் உசால் அல்ஹனஃபீ என்பவரைக் கொண்டுவந்தனர். (இதன் தொடர்ச்சி) லைஸ் (ரஹ்) அவர்கள் அறிவித்த ஹதீஸில் உள்ளதைப் போன்றே உள்ளது. ஆயினும் அதில், ''நீர் என்னைக் கொன்றால், இரத்தப் பழி வாங்குவதற்கு ஆட்கள் உள்ள ஒருவனையே நீர் கொல்கிறீர்'' என்று அவர் கூறியதாக இடம்பெற்றுள்ளது.

அபூஹுரைரா (ரழி) அவர்கள் கூறியதாவது:
"அல்லாஹ்வின் தூதர் (ஸல்) அவர்கள் நஜ்த் பகுதிக்கு சில குதிரை வீரர்களை அனுப்பினார்கள். அவர்கள் பனூ ஹனீஃபா கோத்திரத்தைச் சேர்ந்த, யமாமா வாசிகளின் தலைவரான துமாமா பின் உதால் என்றழைக்கப்பட்ட ஒரு மனிதரைக் கொண்டு வந்தார்கள். பிறகு, அவர் மஸ்ஜிதின் தூண்களில் ஒன்றில் கட்டப்பட்டார்."