புஸ்ர் இப்னு ஸஈத் அவர்கள் அறிவித்தார்கள்:
ஸைத் இப்னு காலித் அல்ஜுஹனீ (ரலி) அவர்கள், (அபூ நழ்ரின் ஆசிரியரான) புஸ்ர் இப்னு ஸஈத் அவர்களை அபூ ஜுஹைம் (ரலி) அவர்களிடம் அனுப்பினார்கள். (அனுப்பப்பட்டதன் நோக்கம் என்னவென்றால்,) தொழுது கொண்டிருப்பவருக்கு முன்னால் கடந்து செல்பவர் தொடர்பாக அல்லாஹ்வின் தூதர் (ஸல்) அவர்களிடமிருந்து (அபூ ஜுஹைம்) என்ன செவியுற்றார்கள் என்று கேட்பதற்காகவே.
அபூ ஜுஹைம் (ரலி) அவர்கள் கூறினார்கள்: அல்லாஹ்வின் தூதர் (ஸல்) அவர்கள் கூறினார்கள்:
"தொழுது கொண்டிருப்பவருக்கு முன்னால் கடந்து செல்பவர், அதனால் தம்மீது ஏற்படும் (பாவச்)சுமையை அறிவாரானால், அவருக்கு முன்னால் கடந்து செல்வதைவிட நாற்பது (காலம்) நின்று கொண்டிருப்பது அவருக்குச் சிறந்ததாகும்."
அபூ நழ்ர் அவர்கள் கூறினார்கள்: "(அவர்கள்) நாற்பது நாட்களா அல்லது மாதங்களா அல்லது வருடங்களா என்று கூறினார்களா என எனக்குத் தெரியாது."

புஸ்ர் பின் சயீத் அறிவிக்கிறார்கள்:
ஸைத் பின் காலித் (ரழி) அவர்கள், தொழுகையாளியின் முன்னால் கடந்து செல்பவரைப் பற்றி அல்லாஹ்வின் தூதர் (ஸல்) அவர்கள் என்ன கூறக் கேட்டீர்கள் என்று அபூ ஜுஹைம் (ரழி) அவர்களிடம் கேட்டுவருமாறு (புஸ்ர் பின் சயீத் அவர்களை) அனுப்பினார். அதற்கு அபூ ஜுஹைம் (ரழி) அவர்கள் கூறினார்கள்: 'அல்லாஹ்வின் தூதர் (ஸல்) அவர்கள் கூறினார்கள்: 'தொழுகையாளியின் முன்னால் கடந்து செல்பவன், அதனால் தனக்கு ஏற்படும் (பாவத்தின் சுமை மற்றும் தண்டனை) என்ன என்பதை அறிந்திருந்தால், அவனுக்கு முன்னால் கடந்து செல்வதை விட நாற்பது (வருடங்கள்) நிற்பது அவனுக்குச் சிறந்ததாக இருக்கும்.'

அபூ ஜுஹைம் (ரழி) அவர்கள் அறிவித்தார்கள்:
அல்லாஹ்வின் தூதர் (ஸல்) அவர்கள் கூறினார்கள்: "தொழுது கொண்டிருப்பவரின் முன்னால் குறுக்கே செல்பவர், (அதனால்) அவர் மீதுள்ள (பாவத்தின் அல்லது தண்டனையின்) கடுமையை அறிந்தால், அவர் (அவ்வாறு) முன்னால் கடந்து செல்வதை விட, நாற்பது (நாட்கள், மாதங்கள் அல்லது வருடங்கள்) நின்று கொண்டிருப்பதே அவருக்குச் சிறந்ததாக இருக்கும்."

அபூ அந்-நழ்ர் (ரழி) அவர்கள் கூறினார்கள்: "(நபி ஸல் அவர்கள்) நாற்பது நாட்கள் என்றார்களா, அல்லது மாதங்கள் என்றார்களா, அல்லது வருடங்கள் என்றார்களா என்று எனக்குத் தெரியாது."

ஸைத் இப்னு காலித் அல்ஜுஹைனி (ரழி) அவர்கள், புஸ்ர் இப்னு ஸஈத் அவர்களை அபூஜுஹைம் (ரழி) அவர்களிடம் (அனுப்பி), "தொழுபவருக்கு முன்னால் கடந்து செல்வது குறித்து தாங்கள் அல்லாஹ்வின் தூதர் (ஸல்) அவர்களிடமிருந்து என்ன செவியுற்றீர்கள்?" என்று கேட்கச் சொன்னார்கள்.

அபூஜுஹைம் (ரழி) அவர்கள் கூறினார்கள்: "அல்லாஹ்வின் தூதர் (ஸல்) அவர்கள் கூறினார்கள்: 'தொழுபவரின் முன்னே செல்பவர் தமக்கு அதனால் என்ன (பாவம் அல்லது தண்டனை) ஏற்படுகின்றது என்பதை அறிவாரானால், அவர் முன்னே செல்வதை விட நாற்பது (காலம்) நின்று கொண்டிருப்பது அவருக்குச் சிறந்ததாக இருக்கும்.'"

அபுந்நள்ர் அவர்கள் கூறினார்கள்: "(நபி ஸல் அவர்கள்) நாற்பது நாட்கள் என்றார்களா, அல்லது மாதங்கள் என்றார்களா, அல்லது வருடங்கள் என்றார்களா என்று எனக்குத் தெரியாது."

அபுல்ஜுஹைம் அப்துல்லாஹ் இப்னு அல்-ஹாரித் இப்னு அஸ்-ஸிம்மா அல்-அன்சாரி (ரழியல்லாஹு அன்ஹு) அவர்கள் அறிவித்தார்கள்:
அல்லாஹ்வின் தூதர் (ஸல்லல்லாஹு அலைஹி வஸல்லம்) அவர்கள் கூறினார்கள்: “தொழுபவருக்கு முன்னால் (அவரது ஸுத்ராவைக் கடந்து) செல்பவர், தம்மீது (அதனால் ஏற்படும்) பாவத்தின் தீவிரத்தை அறிவாராயின், அவருக்கு முன்னால் கடந்து செல்வதை விட, நாற்பது (நாட்கள், மாதங்கள் அல்லது ஆண்டுகள்) நின்று காத்திருப்பது அவருக்குச் சிறந்ததாக இருந்திருக்கும்.”
(அறிவிப்பாளர் கூறுகிறார்: அவர் நாற்பது நாட்களா, அல்லது நாற்பது மாதங்களா, அல்லது நாற்பது ஆண்டுகளா என்று கூறினார் என எனக்குத் தெரியவில்லை).