இப்னு உமர் (ரலி) அவர்கள் கூறியதாவது:
அஹ்ஸாப் (அகழிப் போர்) நாளில் நபி (ஸல்) அவர்கள், "(பனூ குறைழா யூதர்களின் கோட்டையை அடைவதற்கு முன்) உங்களில் எவரும் அஸ்ர் தொழுகையை பனூ குறைழாவில் அன்றி தொழ வேண்டாம்" என்று கூறினார்கள். (அவர்கள் பனூ குறைழாவை நோக்கிச் சென்றுகொண்டிருந்த) வழியில் அவர்களில் சிலருக்கு அஸ்ர் நேரம் வந்துவிட்டது. அப்போது அவர்களில் சிலர், "நாங்கள் அங்கே (பனூ குறைழாவை) அடையும்வரை தொழமாட்டோம்" என்றனர். வேறு சிலர், "மாறாக, நாங்கள் (இப்போதே) தொழுவோம்; அவர் நம்மிடமிருந்து அதை (தொழுகையை அதன் நேரத்தை விட்டுப் பிற்படுத்துவதை) நாடவில்லை (மாறாக, விரைந்து செல்ல வேண்டும் என்பதையே நாடினார்)" என்றனர். இ(வித்தியாசமான) விஷயம் நபி (ஸல்) அவர்களிடம் தெரிவிக்கப்பட்டபோது, அவர்களில் எவரையும் அவர்கள் கடிந்துகொள்ளவில்லை.

அப்துல்லாஹ் (ரழி) அவர்கள் அறிவித்தார்கள்:
அஹ்ஸாப் போரிலிருந்து திரும்பிய நாளில் அல்லாஹ்வின் தூதர் (ஸல்) அவர்கள் எங்களுக்கிடையே, "பனூ குறைழாவில் அன்றி (வேறெங்கும்) எவரும் ழுஹர் தொழ வேண்டாம்" என்று அழைப்பு விடுத்தார்கள். (வழியில்) நேரம் தவறிவிடுமோ என்று மக்களில் சிலர் அஞ்சி, பனூ குறைழாவை அடைவதற்கு முன்பே தொழுதனர். மற்றவர்களோ, "அல்லாஹ்வின் தூதர் (ஸல்) அவர்கள் எங்கு தொழும்படி எங்களுக்குக் கட்டளையிட்டார்களோ அங்கு தவிர, நேரம் கடந்தாலும் சரியே; நாங்கள் தொழ மாட்டோம்" என்று கூறினர். (இது குறித்து) அவர் (அப்துல்லாஹ்) கூறினார்: "இவ்விரு பிரிவினரில் எவரையும் நபி (ஸல்) அவர்கள் கடிந்துகொள்ளவில்லை."