ஆயிஷா (ரழி) அவர்கள் கூறியதாவது:
“என்னிடம் ஒரு பெண்மணி இருந்தார். அப்போது நபி (ஸல்) அவர்கள் என்னிடம் வந்து, ‘யார் இவர்?’ என்று கேட்டார்கள். நான் கூறினேன்: ‘இவர் இன்னார்; இவர் தூங்குவதே இல்லை,’ – (அவளின் நற்குணத்தைப் பற்றிக் குறிப்பிட்டார்கள், அதாவது) அவர் அதிகமாகத் தொழுவதைப் பற்றிக் குறிப்பிட்டார்கள். “நபி (ஸல்) அவர்கள் கூறினார்கள்: ‘போதும் நிறுத்துங்கள். உங்களால் இயன்றதையே செய்யுங்கள். அல்லாஹ்வின் மீது ஆணையாக, நீங்கள் சோர்வடையும் வரை அல்லாஹ் (நற்கூலி வழங்குவதில்) சோர்வடைவதில்லை.’”

அவர்கள் (ஆயிஷா ரழி) கூறினார்கள்: “அவருக்கு (நபி ஸல் அவர்களுக்கு) மிகவும் விருப்பமான மார்க்கச் செயல் என்பது, அதைச் செய்பவர் தொடர்ந்து செய்வதாகும்.”

ஆயிஷா (ரழி) கூறினார்கள்: அல்லாஹ்வின் தூதர் (ஸல்) அவர்கள் என்னிடம் வந்தார்கள். அப்போது என்னுடன் ஒரு பெண் இருந்தார். அவர்கள், “யார் இவர்?” என்று கேட்டார்கள். நான், “இவர் இன்னார்; இவர் இரவில் தூங்குவதில்லை (அதாவது, இரவு முழுவதும் நின்று வணங்குவார்)” என்று கூறினேன். அப்போது அல்லாஹ்வின் தூதர் (ஸல்) அவர்கள், “உங்களால் இயன்ற செயல்களையே நீங்கள் மேற்கொள்ளுங்கள். ஏனெனில், அல்லாஹ்வின் மீது ஆணையாக, நீங்கள் சோர்வடையும் வரை அல்லாஹ் சோர்வடைய மாட்டான் (அதாவது, நீங்கள் சோர்வடைந்து வணக்கத்தை நிறுத்தாத வரை அல்லாஹ் உங்களுக்கு கூலி வழங்குவதையும், உங்கள் மீது கருணை காட்டுவதையும் நிறுத்த மாட்டான்)!” என்று கூறினார்கள். அதைச் செய்பவர் தொடர்ந்து செய்யும் செயலே அல்லாஹ்வின் தூதர் (ஸல்) அவர்களுக்கு மிகவும் விருப்பமானதாக இருந்தது.