ஜாபிர் இப்னு அப்துல்லாஹ் (ரழி) அவர்கள் கூறினார்கள்:

"அல்லாஹ்வின் தூதர் (ஸல்) அவர்கள் பயணம் செய்து அரஃபாவுக்கு வந்தபோது, நமிராவில் அவர்களுக்காக ஒரு கூடாரம் அமைக்கப்பட்டிருப்பதைக் கண்டார்கள். சூரியன் உச்சி சாயும் வரை அங்கேயே தங்கினார்கள். பிறகு அல்-கஸ்வாவைக் (கொண்டு வரக்) கட்டளையிட்டார்கள்; அவர்களுக்காக அது சேணமிடப்பட்டது. அவர்கள் பள்ளத்தாக்கின் அடிவாரத்தை அடைந்தபோது, மக்களுக்கு உரை நிகழ்த்தினார்கள். பின்னர் பிலால் (ரழி) அவர்கள் அதான் கூறினார்கள்; பின்னர் இகாமத் கூறினார்கள்; பிறகு அல்லாஹ்வின் தூதர் (ஸல்) அவர்கள் ழுஹ்ர் தொழுதார்கள். பிறகு (மீண்டும்) இகாமத் கூறப்பட்டது; பிறகு அவர்கள் அஸ்ர் தொழுதார்கள். அவ்விரண்டிற்கும் இடையில் அவர்கள் வேறு எதையும் தொழவில்லை."