அபூ ஸலமா பின் அப்துர்ரஹ்மான் அவர்கள் அறிவித்தார்கள்:

அப்துர்ரஹ்மான் பின் அபூ ஸயீத் அல்குத்ரீ (ரலி) அவர்கள் என்னைக் கடந்து சென்றார்கள். அப்போது நான் (அபூ ஸலமா) அவர்களிடம், "இறையச்சத்தின் மீது நிறுவப்பட்ட பள்ளிவாசலைப் பற்றி உங்கள் தந்தை (அபூ ஸயீத் அல்குத்ரீ ரலி) அவர்கள் குறிப்பிடுவதை நீங்கள் எப்படிக் கேட்டீர்கள்?" என்று கேட்டேன்.

அதற்கு அவர்கள் கூறினார்கள்: என் தந்தை (அபூ ஸயீத் அல்குத்ரீ ரலி) அவர்கள் கூறினார்கள்:
"நான் அல்லாஹ்வின் தூதர் (ஸல்) அவர்கள் தமது மனைவியரில் ஒருவரின் வீட்டில் இருந்தபோது அவர்களிடம் சென்றேன். 'அல்லாஹ்வின் தூதரே! இரண்டு பள்ளிவாசல்களில் (மஸ்ஜிதுல் குபா மற்றும் மஸ்ஜிதுன் நபவி ஆகிய இரண்டில்) எது இறையச்சத்தின் மீது நிறுவப்பட்டது?' என்று கேட்டேன். அதற்கு அவர்கள் ஒரு கைப்பிடி சரளைக்கற்களை எடுத்து அதனால் தரையில் அடித்து, 'அது உங்களின் இந்தப் பள்ளிவாசல்தான்' (மதீனா பள்ளிவாசல் - மஸ்ஜிதுன் நபவி) என்று கூறினார்கள்."

(இதைக் கேட்ட) நான் (அபூ ஸலமா), "உங்கள் தந்தை (அபூ ஸயீத் அல்குத்ரீ ரலி) அவர்கள் இதைப் பற்றி இவ்வாறு குறிப்பிடுவதை நானும் கேட்டேன் என்று சாட்சி கூறுகிறேன்" என்று கூறினேன்.

அபூ ஸயீத் அல்குத்ரீ (ரழி) அவர்கள் அறிவித்தார்கள்:
"முதல் நாளிலிருந்தே இறையச்சத்தின் (தக்வாவின்) மீது அஸ்திவாரம் இடப்பட்ட மஸ்ஜிதைப் பற்றி இருவர் விவாதித்துக் கொண்டிருந்தனர் (திருக்குர்ஆன் 9:108 வசனத்தில் குறிப்பிடப்பட்டுள்ள மஸ்ஜித்). அவர்களில் ஒருவர், 'அது மஸ்ஜித் குபா' என்று கூறினார், மற்றவர், 'அது அல்லாஹ்வின் தூதர் (ஸல்) அவர்களின் மஸ்ஜித்.' என்று கூறினார். ஆகவே அல்லாஹ்வின் தூதர் (ஸல்) அவர்கள், '(இறையச்சத்தின் மீது அஸ்திவாரம் இடப்பட்ட மஸ்ஜித்) என்னுடைய இந்த மஸ்ஜித் தான்.' என்று கூறினார்கள்."