மைமூனா (ரழி) அவர்களின் விடுதலை செய்யப்பட்ட அடிமையான சுலைமான் பின் யஸார் அவர்கள் கூறினார்கள்: மக்கள் தொழுது கொண்டிருக்கும்போது நான் 'அல்-பலாத்' என்ற இடத்தில் இப்னு உமர் (ரழி) அவர்களிடம் வந்தேன். நான், "நீங்கள் அவர்களுடன் (ஜமாஅத்தாக) தொழவில்லையா?" என்று கேட்டேன். அதற்கு அவர்கள், "நான் (எனது ஃபர்ளு தொழுகையை ஏற்கனவே) தொழுதுவிட்டேன்; 'ஒரு நாளில் ஒரு தொழுகையை இரண்டு முறை தொழ வேண்டாம்' என்று அல்லாஹ்வின் தூதர் (ஸல்) அவர்கள் கூற நான் கேட்டிருக்கிறேன்" என்று பதிலளித்தார்கள்.