இப்ராஹீம் பின் முஹம்மத் பின் அல்-முன்தஷிர் அறிவிக்கிறார்: அவருடைய தந்தை, அம்ர் பின் ஷுரஹ்பீல் அவர்களின் பள்ளிவாசலில் இருந்தார். தொழுகைக்காக இகாமத் சொல்லப்பட்டது. (தொழுகைக்கு வந்த) மக்கள் அவருக்காகக் காத்திருக்கத் தொடங்கினர். அப்போது அவர், "நான் வித்ர் தொழுதுகொண்டிருந்தேன்" என்று கூறினார்.

(அவருடைய தந்தை மேலும் அறிவித்தார்:) அப்துல்லாஹ் (இப்னு மஸ்ஊத்) (ரழி) அவர்களிடம், "அதானுக்குப் பிறகு வித்ர் உண்டா?" என்று கேட்கப்பட்டபோது, அவர்கள், "ஆம், இகாமத்திற்குப் பிறகும் உண்டு" என்று பதிலளித்தார்கள். மேலும், நபி (ஸல்) அவர்கள் (ஒருமுறை ஃபஜ்ர்) தொழுகையைத் தவறவிட்டு, சூரியன் உதிக்கும் வரை உறங்கி, பின்னர் தொழுதார்கள் (என்றும் அப்துல்லாஹ் அறிவித்தார்கள்).

இந்த வாசகம் யஹ்யாவுடையது.