சர்ரா பின்த் நப்ஹான் (ரழி) அவர்கள் அறிவிக்கிறார்கள்:
(அவர்கள் அறியாமைக் காலத்தில்) ஒரு வீட்டின் தலைவியாக இருந்தார்கள்.
அவர்கள் கூறினார்கள்: அல்லாஹ்வின் தூதர் (ஸல்) அவர்கள் 'யவ்முர் ருஊஸ்' (தலைகளின் நாள்) அன்று எங்களுக்கு உரை நிகழ்த்தினார்கள். அப்போது, "(இது) எந்த நாள்?" என்று கேட்டார்கள்.
நாங்கள், "அல்லாஹ்வும் அவனுடைய தூதருமே நன்கறிந்தவர்கள்" என்று கூறினோம்.
அதற்கு அவர்கள், "இது தஷ்ரீக் நாட்களின் நடு நாள் அல்லவா?" என்று கேட்டார்கள்.
இமாம் அபூதாவூத் (ரஹ்) அவர்கள் கூறுகிறார்கள்: அபூஹுர்ரா அர்ரகாஷீ (ரஹ்) அவர்களின் சிறிய தந்தையாரும், "நபி (ஸல்) அவர்கள் தஷ்ரீக் நாட்களின் நடுநாளில் உரை நிகழ்த்தினார்கள்" என்று (இதேபோன்று) அறிவித்துள்ளார்கள்.