இப்னு அப்பாஸ் (ரழி) அவர்கள் அறிவித்தார்கள்:
நபி (ஸல்) அவர்கள் அர்-ரவ்ஹா என்னுமிடத்தில் ஒரு பயணக் கூட்டத்தாரைச் சந்தித்தார்கள். அப்போது, "இக்கூட்டத்தினர் யார்?" என்று கேட்டார்கள். அவர்கள், "முஸ்லிம்கள்" என்று பதிலளித்தார்கள். (பிறகு) அவர்கள், "தாங்கள் யார்?" என்று கேட்டார்கள். அதற்கு, "அல்லாஹ்வின் தூதர்" என்று பதிலளித்தார்கள். அப்போது ஒரு பெண்மணி ஒரு சிறுவனை அவர்களை நோக்கித் தூக்கிக் காட்டி, "இச்சிறுவனுக்கு ஹஜ் உண்டா?" என்று கேட்டார். அதற்கு அவர் (ஸல்) அவர்கள், "ஆம்; உனக்கும் நற்கூலி உண்டு" என்று கூறினார்கள்.

இப்னு அப்பாஸ் (ரழி) அவர்கள் கூறினார்கள்:
அல்லாஹ்வின் தூதர் (ஸல்) அவர்கள் ‘அர்-ரவ்ஹா’ என்ற இடத்தில் இருந்தபோது ஒரு பயணக் கூட்டத்தைச் சந்தித்தார்கள். அவர்களுக்கு ஸலாம் கூறி, “நீங்கள் யார்?” என்று கேட்டார்கள். அதற்கு அவர்கள், “முஸ்லிம்கள்” என்று பதிலளித்தார்கள். பிறகு அவர்கள், “தாங்கள் யார்?” என்று கேட்டார்கள். அதற்கு (நபித்தோழர்கள்), “அல்லாஹ்வின் தூதர் (ஸல்)” என்று பதிலளித்தார்கள்.

அப்போது ஒரு பெண்மணி பரபரப்புடன் ஒரு சிறுவனின் புயத்தைப் பிடித்து, தனது சிவிகையிலிருந்து வெளியே எடுத்துக்காட்டி, “அல்லாஹ்வின் தூதரே! இவருக்கு ஹஜ் உண்டா?” என்று கேட்டார். அதற்கு அவர்கள், “ஆம்; மேலும் உனக்கும் நற்கூலி உண்டு” என்று பதிலளித்தார்கள்.