ஆயிஷா (ரழி) அவர்கள் அறிவித்தார்கள்:
குறைஷியரும் அவர்களது மார்க்கத்தைப் பின்பற்றியோரும் முஸ்தலிஃபாவில் (வூகூஃப் செய்து) தங்கி நிற்பவர்களாக இருந்தனர்; அவர்கள் ‘ஹும்ஸ்’ (அதாவது, மார்க்கத்தில் உறுதியானவர்கள் அல்லது தைரியமானவர்கள்) என்று அழைக்கப்பட்டனர். ஏனைய அரபியர்கள் அரஃபாவில் (வூகூஃப் செய்து) தங்கி நிற்பவர்களாக இருந்தனர். இஸ்லாம் வந்தபோது, கண்ணியமும் மகத்துவமும் மிக்க அல்லாஹ் தனது நபி (ஸல்) அவர்களுக்கு அரஃபாத்திற்குச் சென்று அங்கே (வூகூஃப் செய்து) தங்க வேண்டுமென்றும், பிறகு அங்கிருந்து புறப்பட வேண்டுமென்றும் கட்டளையிட்டான். அதுவே கண்ணியமும் மகத்துவமும் மிக்கவனின் (பின்வரும்) சொல்லாகும்:
"{சும்ம அஃபீளூ மின் ஹைஸு அஃபாளன் ன்னாஸ்}"
"பிறகு மக்கள் எங்கிருந்து புறப்படுகிறார்களோ, அங்கிருந்தே நீங்களும் புறப்படுங்கள்."