அபூபக்ர் (ரழி) அவர்களின் மகளான அஸ்மா (ரழி) அவர்கள் கூறியதாவது:
நான் நபி (ஸல்) அவர்களிடம் வந்து, "அல்லாஹ்வின் தூதரே! ஸுபைர் (ரழி) அவர்கள் எனக்கு (வீட்டுச் செலவுகளுக்காக) கொண்டு வந்து கொடுப்பதைத் தவிர என்னிடம் வேறு எதுவும் இல்லை. அவர் எனக்குக் கொண்டு வந்து கொடுப்பதிலிருந்து நான் (பிறருக்கு) வழங்கினால் என்மீது குற்றம் ஏதேனும் உண்டா?" என்று கேட்டேன். அதற்கு நபி (ஸல்) அவர்கள், "உன்னால் இயன்றதை நீ வழங்கு; (உன் செல்வத்தை) முடிந்து வைத்துவிடாதே! (அப்படிச் செய்தால்,) அல்லாஹ்வும் உனக்கு (வழங்குவதை) முடிந்து விடுவான்" என்று கூறினார்கள்.
அஸ்மா பின்த் அபீ பக்ர் (ரழி) அவர்கள் நபி (ஸல்) அவர்களிடம் வந்து, "அல்லாஹ்வின் தூதரே! அஸ்ஸுபைர் (ரழி) அவர்கள் எனக்குக் கொண்டு வருவதைத் தவிர என்னிடம் வேறு எதுவும் இல்லை. அவர் கொண்டு வருவதிலிருந்து நான் சிறிதளவு கொடுத்தால் என் மீது ஏதேனும் குற்றம் உண்டா?" என்று கேட்டார்கள். அதற்கு நபி (ஸல்) அவர்கள், "உங்களால் முடிந்ததைக் கொடுங்கள்; (கொடுக்காமல்) முடிந்து வைக்காதீர்கள். (அப்படிச் செய்தால்) அல்லாஹ்வும் உமக்கு (வழங்குவதை) முடிந்து விடுவான்" என்று கூறினார்கள்.