அனஸ் (ரழி) அவர்கள் அறிவித்தார்கள்:
நபிகள் நாயகம் (ஸல்) அவர்கள் மதீனாவில் லுஹர் தொழுகையை நான்கு ரக்அத்களும், துல்-ஹுலைஃபாவில் அஸர் தொழுகையை இரண்டு ரக்அத்களும் தொழுதார்கள். மேலும், அவர்கள் (ஹஜ், உம்ரா ஆகிய) அவ்விரண்டிற்காகவும் (தல்பியாவை) உரக்கச் சொல்வதை நான் கேட்டேன்.

அனஸ் பின் மாலிக் (ரழி) அவர்கள் அறிவித்தார்கள்:
நபி (ஸல்) அவர்கள் மதீனாவில் நான்கு ரக்அத் லுஹர் தொழுகையையும், துல்ஹுலைஃபாவில் இரண்டு ரக்அத் அஸர் தொழுகையையும் தொழுதார்கள்.

அய்யூப் (ரஹ்) அவர்கள், ஒரு மனிதர் வாயிலாக அனஸ் (ரழி) அவர்களிடமிருந்து அறிவிப்பதாவது:
"பிறகு நபி (ஸல்) அவர்கள் விடியும் வரை (துல்ஹுலைஃபாவில்) இரவைக் கழித்தார்கள். காலை (ஃபஜ்ர்) தொழுகையைத் தொழுதார்கள். பிறகு தமது வாகனத்தில் ஏறினார்கள். அவ்வாகனம் அவர்களைச் சுமந்துகொண்டு 'அல்பைதா'வை அடைந்து நேராக நின்றபோது, உம்ரா மற்றும் ஹஜ்ஜுக்காக தல்பியா முழங்கினார்கள்."

அனஸ் (ரழி) அவர்கள் அறிவித்தார்கள்:
நபி (ஸல்) அவர்கள் மதீனாவில் லுஹர் தொழுகையை நான்கு ரக்அத்துகளாகவும், பின்னர் துல்-ஹுலைஃபாவில் அஸர் தொழுகையை இரண்டு ரக்அத்துகளாகவும் தொழுதார்கள்; மேலும், அவர்கள் அனைவரும் ஒன்றுசேர்ந்து (ஹஜ் மற்றும் உம்ராவிற்கான தல்பியாவை) உரக்கக் கூறுவதை நான் கேட்டேன்.

அனஸ் பின் மாலிக் (ரழி) அவர்கள் அறிவித்தார்கள்: நபி (ஸல்) அவர்கள் மதீனாவில் லுஹரை நான்கு ரக்அத்களும், துல்-ஹுலைஃபாவில் அஸ்ரை இரண்டு ரக்அத்களும் (பயணத்தின் காரணமாக சுருக்கி) தொழுதார்கள்.