ஜுபைர் இப்னு முத்இம் (ரழி) அவர்கள் அறிவித்தார்கள்:
நான் எனது ஒட்டகம் ஒன்றைத் தொலைத்துவிட்டேன். அதைத் தேடி அரஃபா தினத்தில் சென்றேன். அப்போது அல்லாஹ்வின் தூதர் (ஸல்) அவர்கள் மக்களுடன் அரஃபாவில் நின்றுகொண்டிருந்ததைக் கண்டேன். (அப்போது) நான், 'அல்லாஹ்வின் மீது ஆணையாக! இவர் 'ஹும்ஸ்' கூட்டத்தைச் சேர்ந்தவர் ஆயிற்றே! இங்கு இவருக்கு என்ன வேலை?' என்று கூறினேன். (ஏனெனில்,) குறைஷிகள் 'ஹும்ஸ்' கூட்டத்தைச் சேர்ந்தவர்களாகக் கருதப்பட்டு வந்தனர்.

முஹம்மத் பின் ஜுபைர் பின் முத்இம் (ரழி) அவர்கள் தங்களின் தந்தை (ஜுபைர் பின் முத்இம்) (ரழி) அவர்களிடமிருந்து அறிவிக்கிறார்கள்:

'என்னுடைய ஒட்டகம் ஒன்றைத் தொலைத்துவிட்டேன். எனவே, அரஃபா நாளில் அதைத் தேடி நான் அரஃபாவிற்குச் சென்றேன். அங்கே நபி (ஸல்) அவர்கள் (அரஃபாவில்) நின்றுகொண்டிருப்பதை நான் கண்டேன். (அப்போது ஆச்சரியத்துடன்) 'இவர் இங்கு என்ன செய்கிறார்? இவர் 'ஹும்ஸ்' (அதாவது, மக்காவாசிகள் மற்றும் அவர்களுடன் இணைந்தவர்கள், அரஃபாவில் நிற்காமல் முஸ்தலிஃபாவிலிருந்து திரும்புபவர்கள் என்ற அவர்களின் வழக்கத்திற்கு மாறாக) கூட்டத்தைச் சேர்ந்தவராயிற்றே' என்று கூறினேன்.