அபூ ஸயீத் (ரலி) அவர்கள் கூறியதாவது:

நபி (ஸல்) அவர்கள், “தொடர் நோன்பு (அல்-விஸால்) நோற்காதீர்கள். உங்களில் எவரேனும் (நோன்பைத்) தொடர விரும்பினால், ஸஹர் நேரம் வரை (அதாவது, இரவில் இஃப்தார் செய்யாமல் மறுநாள் ஸஹர் வரை) மட்டும் தொடரட்டும்” என்று கூறியதை நான் கேட்டேன்.

மக்கள், “அல்லாஹ்வின் தூதரே! தாங்கள் தொடர் நோன்பு நோற்கிறீர்களே?” என்று கேட்டார்கள்.

அதற்கு அவர்கள், “நான் உங்களைப் போன்றவன் அல்லன். எனக்கு உணவளிப்பவர் எனக்கு உணவளிக்க, நீர் புகட்டுபவர் எனக்கு நீர் புகட்ட நான் இரவைக் கழிக்கிறேன்” என்று பதிலளித்தார்கள்.

அபூ ஸயீத் அல்குத்ரீ (ரழி) அவர்கள் அறிவிக்கிறார்கள்:
அல்லாஹ்வின் தூதர் (ஸல்) அவர்கள் கூறினார்கள்: தொடர் நோன்பு (இரவில் நோன்பு துறக்காமல் தொடர்ந்து நோற்பது) நோற்காதீர்கள். உங்களில் எவரேனும் தொடர் நோன்பு நோற்க விரும்பினால், அவர் வைகறை வரை நோற்கட்டும். அவர்கள் (தோழர்கள்) கேட்டார்கள்: தாங்கள் தொடர் நோன்பு நோற்கிறீர்களே? அதற்கு அவர்கள் பதிலளித்தார்கள்: என்னுடைய நிலை உங்களைப் போன்றதல்ல. எனக்கு உணவளிக்க ஒருவன் இருக்கிறான், எனக்குப் பானமளிக்க ஒருவன் இருக்கிறான்.