அனஸ் (ரழி) அவர்கள் அறிவித்தார்கள்:
நபி (ஸல்) அவர்கள், பேரீச்சம் பழங்கள் (நிறம் பிடித்து) பழுக்கத் தொடங்கும் வரை அவற்றை விற்பனை செய்வதைத் தடை செய்தார்கள். நாங்கள் (அனஸிடம்), "பழுக்கத் தொடங்குவது என்றால் என்ன?" என்று கேட்டோம். அதற்கு அவர்கள், "அது சிவப்பாவதும், மஞ்சளாவதும் ஆகும்" என்று கூறினார்கள். (மேலும்), "கூறுங்கள்! அல்லாஹ் கனியை(த் தருவதை) தடுத்துவிட்டால், தன் சகோதரனின் செல்வத்தை எதன் அடிப்படையில் ஒருவர் ஆகுமாக்கிக் கொள்வார்?" என்றும் கேட்டார்கள்.