அம்ரா பின்த் அப்துர்-ரஹ்மான் அவர்கள் கூறியதாவது:
"அப்துல்லாஹ் பின் அப்பாஸ் (ரலி) அவர்கள், 'யார் தனது ஹத்யை (குர்பானிப் பிராணியை) அனுப்புகிறாரோ, அவர் அதை அறுக்கும் வரை, ஒரு ஹாஜிக்குத் தடுக்கப்பட்ட அனைத்தும் அந்த நபருக்கும் தடுக்கப்பட்டுவிடும்' என்று கூறியதாக, ஸியாத் பின் அபூசுஃப்யான், ஆயிஷா (ரலி) அவர்களுக்குக் கடிதம் எழுதினார்.

(இதைக் கேட்ட) ஆயிஷா (ரலி) அவர்கள், 'இப்னு அப்பாஸ் (ரலி) அவர்கள் கூறியது போன்று இல்லை; நான் அல்லாஹ்வின் தூதர் (ஸல்) அவர்களின் ஹத்யுகளுக்கான கழுத்து மாலைகளை என் கைகளால் திரித்தேன். பிறகு அல்லாஹ்வின் தூதர் (ஸல்) அவர்கள் தம் கரங்களால் அவற்றுக்கு மாலையணிவித்து, அவற்றை என் தந்தையார் (அபூபக்ர்) வசம் கொடுத்து அனுப்பினார்கள். அப்பிராணிகள் அறுக்கப்படும் வரை, அல்லாஹ் அனுமதித்த எதுவும் அல்லாஹ்வின் தூதர் (ஸல்) அவர்களுக்குத் தடுக்கப்பட்டதாக இருக்கவில்லை' என்று கூறினார்கள்."

அப்துர் ரஹ்மானின் மகள் அம்ரா அவர்கள் அறிவித்தார்கள்: இப்னு ஸியாத் அவர்கள் ஆயிஷா (ரழி) அவர்களுக்கு (ஒரு கடிதம்) எழுதியிருந்தார்கள்; (அதில்) ‘அப்துல்லாஹ் இப்னு அப்பாஸ் (ரழி) அவர்கள், “யார் (மக்காவிற்கு) குர்பானிப் பிராணியை அனுப்புகிறாரோ, அவருக்கு அப்பிராணி அறுக்கப்படும் வரை (இஹ்ராம் நிலையில் உள்ள) ஒரு யாத்ரீகருக்கு தடைசெய்யப்பட்டவை யாவும் தடைசெய்யப்படும்” என்று கூறியதாக (நான் கேள்விப்பட்டேன்). நானே என்னுடைய குர்பானிப் பிராணியை (மக்காவிற்கு) அனுப்பியுள்ளேன்; எனவே, (இது குறித்து) உங்களுடைய கருத்தை எனக்கு எழுதுங்கள்’ என்று (இப்னு ஸியாத் அவர்கள் கேட்டிருந்தார்கள்). அம்ரா அவர்கள், ஆயிஷா (ரழி) அவர்கள் கூறியதாக அறிவித்தார்கள்:

இப்னு அப்பாஸ் (ரழி) அவர்கள் வாதிட்டதைப் போன்று அல்ல; ஏனெனில், அல்லாஹ்வின் தூதர் (ஸல்) அவர்களின் குர்பானிப் பிராணிகளுக்கான மாலைகளை நான் என் கைகளாலேயே தொடுத்தேன். பின்னர் அல்லாஹ்வின் தூதர் (ஸல்) அவர்கள் தம் கைகளாலேயே அவற்றுக்கு மாலை அணிவித்தார்கள்; பின்னர் அவற்றை என் தந்தையுடன் அனுப்பினார்கள். மேலும், அப்பிராணிகள் அறுக்கப்படும் வரை, அல்லாஹ் அவர்களுக்கு ஆகுமாக்கியிருந்தவற்றில் எதுவும் அல்லாஹ்வின் தூதர் (ஸல்) அவர்களுக்கு தடை செய்யப்படவில்லை.

ஆயிஷா (ரழி) அவர்கள் கூறினார்கள்:
"நான் அல்லாஹ்வின் தூதர் (ஸல்) அவர்களின் ஹதிக்கான (பலியிடப்படும் பிராணி) மாலைகளை என் கைகளால் திரிப்பேன்; பிறகு அல்லாஹ்வின் தூதர் (ஸல்) அவர்கள் தமது கையால் அவற்றுக்கு மாலை அணிவிப்பார்கள். பிறகு அவர்கள் அவற்றை என் தந்தையுடன் அனுப்பி வைப்பார்கள். மேலும் ஹதி அறுக்கப்படும் வரை, வல்லமையும் மாண்பும் மிக்க அல்லாஹ் தமக்கு அனுமதித்திருந்த எதையும் அல்லாஹ்வின் தூதர் (ஸல்) அவர்கள் தவிர்க்கமாட்டார்கள்."

அம்ரா பின்த் அப்துர் ரஹ்மான் (ரஹ்) அவர்கள் அறிவிக்கிறார்கள்:

ஸியாத் இப்னு அபீ சுஃப்யான் அவர்கள், நபி (ஸல்) அவர்களின் துணைவியார் ஆயிஷா (ரலி) அவர்களுக்குக் கடிதம் எழுதினார்கள். அதில், "அப்துல்லாஹ் இப்னு அப்பாஸ் (ரலி) அவர்கள், 'யார் ஒரு பலிப்பிராணியை (ஹரம் எல்லைக்கு) அனுப்புகிறாரோ, அவருக்கு அப்பிராணி அறுக்கப்படும் வரை, ஹஜ் செய்பவருக்குத் தடுக்கப்பட்ட அனைத்தும் தடுக்கப்பட்டதாகிவிடும்' என்று கூறுகிறார்கள். நான் ஒரு பலிப்பிராணியை அனுப்பியுள்ளேன். எனவே, இது குறித்துத் தங்கள் கட்டளையை எனக்கு எழுதுங்கள்; அல்லது பிராணியைக் கொண்டு செல்பவருக்குக் கட்டளையிடுங்கள்" என்று குறிப்பிட்டிருந்தார்கள்.

அதற்கு ஆயிஷா (ரலி) அவர்கள் (பதிலளித்துக்) கூறினார்கள்: "இப்னு அப்பாஸ் (ரலி) கூறுவது போன்று இல்லை. நான் அல்லாஹ்வின் தூதர் (ஸல்) அவர்களின் பலிப்பிராணியின் கழுத்து மாலைகளை என் இரு கைகளாலும் திரித்தேன். பிறகு அல்லாஹ்வின் தூதர் (ஸல்) அவர்கள் தம் கரத்தால் அதற்கு மாலையணிவித்தார்கள். பிறகு அதனை என் தந்தையுடன் அனுப்பினார்கள். அப்பிராணி அறுக்கப்படும் வரை, அல்லாஹ் அவர்களுக்கு அனுமதித்திருந்த எதுவும் அவர்களுக்குத் தடை செய்யப்பட்டதாக இருக்கவில்லை."