அபூ ஹுரைரா (ரழி) அவர்கள் அறிவித்தார்கள்:
நபி (ஸல்) அவர்கள் கூறினார்கள்: "உங்களில் ஒருவரிடம் அவருடைய பணியாள் உணவைக் கொண்டுவந்தால், அப்பணியாளரைத் தம்முடன் அமரவைக்கவில்லை என்றாலும், அவருக்கு ஒரு பகுதி உணவையோ அல்லது இரு பகுதி உணவுகளையோ, அல்லது ஒரு கவளத்தையோ அல்லது இரு கவளங்களையோ எடுத்து அவர் கொடுக்கட்டும். ஏனெனில், அவர்தான் அதன் வெப்பத்தையும் (உணவு) தயாரிக்கும் சிரமத்தையும் தாங்கிக்கொண்டார்."

அபூ ஹுரைரா (ரழி) அவர்கள் கூறியதாவது:
அல்லாஹ்வின் தூதர் (ஸல்) அவர்கள் கூறினார்கள்: “உங்களில் ஒருவரின் பணியாளர் அவருக்காக அவரது உணவைக் கொண்டு வந்தால், அவரைத் தம்முடன் அமரச் செய்து (அவருடன்) உண்ணட்டும். அவர் (அவ்வாறு அமர்ந்து உண்ண) மறுத்தால், அதிலிருந்து அவருக்குக் கொடுக்கட்டும் (அவரது உழைப்பிற்காகவும், சமையலின் சிரமத்திற்காகவும்).