அம்ர் பின் அல்-ஹாரித் (ரழி) அவர்கள் அறிவித்தார்கள்:
அல்லாஹ்வின் தூதர் (ஸல்) அவர்கள் ஒரு தீனாரையோ, ஒரு திர்ஹத்தையோ, ஓர் ஆண் அடிமையையோ அல்லது ஒரு பெண் அடிமையையோ விட்டுச் செல்லவில்லை; தாம் சவாரி செய்யப் பயன்படுத்திய தமது வெள்ளைக் கோவேறு கழுதையையும், தமது ஆயுதத்தையும், வழிப்போக்கர்களுக்காகத் தர்மமாக ஆக்கிய ஒரு நிலத்தையும் தவிர (வேறு எதனையும் அவர்கள் விட்டுச் செல்லவில்லை).

அம்ர் பின் அல்-ஹாரித் (ரலி) அவர்கள் கூறியதாவது:

"அல்லாஹ்வின் தூதர் (ஸல்) அவர்கள், தாம் சவாரி செய்துவந்த தமது சாம்பல் நிறக் கோவேறு கழுதை, தமது ஆயுதம், அல்லாஹ்வின் பாதையில் (தர்மமாக) ஆக்கிய நிலம் ஆகியவற்றைத் தவிர, வேறு தீனாரையோ, திர்ஹத்தையோ, ஆண் அடிமையையோ, பெண் அடிமையையோ விட்டுச் செல்லவில்லை." (அறிவிப்பாளர்களில் ஒருவரான) குதைபா அவர்கள் மற்றுமொரு முறை, '(அல்லாஹ்வின் பாதையில் ஆக்கியது என்பது) தர்மமாக (வழங்கப்பட்டது)' என்று கூறினார்கள்.

இறைநம்பிக்கையாளர்களின் அன்னை ஜுவைரிய்யா (ரழி) அவர்களின் சகோதரர் அம்ர் பின் அல்-ஹாரித் (ரழி) அவர்கள் கூறினார்கள்:

“அல்லாஹ்வின் தூதர் (ஸல்) அவர்கள் தமது மரணத்தின்போது ஒரு திர்ஹத்தையோ, ஒரு தீனாரையோ, ஓர் ஆண் அடிமையையோ, ஒரு பெண் அடிமையையோ அல்லது வேறு எதையுமோ விட்டுச் செல்லவில்லை; தமது வெள்ளைக் கோவேறுக்கழுதை, தமது ஆயுதம் மற்றும் அவர்கள் தர்மமாக (ஸதகாவாக) ஆக்கிய நிலம் ஆகியவற்றைத் தவிர.”

இதனை அல்-புகாரி பதிவு செய்துள்ளார்.

இறைநம்பிக்கையாளர்களின் அன்னையான ஜுவைரிய்யா பின்த் அல்-ஹாரித் (ரழி) அவர்களின் சகோதரரான அம்ர் இப்னு அல்-ஹாரித் (ரழி) அவர்கள் அறிவித்தார்கள்:
அல்லாஹ்வின் தூதர் (ஸல்) அவர்கள் மரணமடைந்தபோது, ஒரு தீனாரையோ, ஒரு திர்ஹத்தையோ, ஓர் ஆண் அடிமையையோ, ஒரு பெண் அடிமையையோ அல்லது வேறு எந்தப் பொருளையோ விட்டுச் செல்லவில்லை. (அவர்கள் விட்டுச் சென்றது) தாங்கள் சவாரி செய்துவந்த தங்களுடைய வெள்ளை நிறக் கோவேறு கழுதை, தங்களுடைய ஆயுதங்கள் மற்றும் வழிப்போக்கர்களுக்காக (நிலத்தை வக்ஃப் செய்து) தர்மமாக ஆக்கியிருந்த நிலம் ஆகியவற்றைத் தவிர (வேறெதுவுமில்லை).