அபூஹுரைரா (ரழி) அவர்கள் அறிவிக்கிறார்கள்:
நபி (ஸல்) அவர்கள் கூறினார்கள்:
"யாரேனும் சுர்மா இட்டால், அவர் ஒற்றைப்படை எண்ணிக்கையில் இடட்டும். அவ்வாறு செய்தவர் நன்மை செய்தார்; செய்யாதவர் மீது குற்றமில்லை. யாரேனும் (கற்களைக் கொண்டு) சுத்தம் செய்தால், அவர் ஒற்றைப்படை எண்ணிக்கையைப் பயன்படுத்தட்டும். அவ்வாறு செய்தவர் நன்மை செய்தார்; செய்யாதவர் மீது குற்றமில்லை.
யாரேனும் சாப்பிட்டால், அவர் (பற்களுக்கு இடையில் உள்ளதை) குத்தியெடுத்ததை உமிழ்ந்து விடட்டும்; தனது நாவால் அசைத்து (வாய்க்குள் நகர்த்தியதை) விழுங்கிவிடட்டும். அவ்வாறு செய்தவர் நன்மை செய்தார்; செய்யாதவர் மீது குற்றமில்லை.
யாரேனும் மலம் கழிக்கச் சென்றால், அவர் மறைந்து கொள்ளட்டும். ஒரு மணல் குவியலைச் சேர்த்து, அதற்குப் பின்னால் (மறைவாக) அமர்வதைத் தவிர வேறு எதுவும் அவருக்குக் கிடைக்கவில்லையென்றாலும் (அதைச் செய்யட்டும்). ஏனெனில், ஷைத்தான் ஆதமுடைய மக்களின் பின்புறங்களுடன் விளையாடுகிறான். அவ்வாறு செய்தவர் நன்மை செய்தார்; செய்யாதவர் மீது குற்றமில்லை."