அபூ ஹுரைரா (ரலி) அவர்கள் அறிவிக்கிறார்கள்: அல்லாஹ்வின் தூதர் (ஸல்) அவர்கள் கூறினார்கள்: "உங்களில் ஒருவரின் பாத்திரத்தில் நாய் வாய் வைத்து நக்கினால் (அல்லது குடித்தால்), அதை அவர் ஏழு முறை கழுவட்டும்."

அபூ ஹுரைரா (ரழி) அவர்கள் அறிவித்தார்கள்: அல்லாஹ்வின் தூதர் (ஸல்) அவர்கள் கூறினார்கள்:
"உங்களில் ஒருவரின் பாத்திரத்தை நாய் நக்கினால் (அல்லது அதில் குடித்தால்), அதை ஏழு தடவை கழுவட்டும். அவற்றுள் முதல் தடவை மண்ணால் (தேய்த்துக்) கழுவட்டும்."

உங்களில் ஒருவரது பாத்திரத்தை நாய் நக்கினால், அதை அவர் ஏழு முறை கழுவட்டும், முதல் முறை மண்ணைக் கொண்டு (கழுவட்டும்).

அபூ ரஸீன் அவர்கள் கூறினார்கள்:
"அபூஹுரைரா (ரலி) அவர்கள் தமது நெற்றியில் கையால் அடித்துக் கொண்டு பின்வருமாறு கூறுவதை நான் பார்த்தேன்: 'ஈராக் வாசிகளே! நான் அல்லாஹ்வின் தூதர் (ஸல்) அவர்கள் மீது இட்டுக்கட்டிக் கூறுவதாக நீங்கள் எண்ணுகிறீர்கள். (அவ்வாறு எண்ணுவதன் மூலம்) உங்களுக்கு நன்மை கிடைக்கட்டும், என் மீது பாவம் சேரட்டும் (என்று நீங்கள் கருதுகிறீர்கள்). அல்லாஹ்வின் தூதர் (ஸல்) அவர்கள், "உங்களில் ஒருவரது பாத்திரத்தை நாய் நக்கினால், அவர் அதை ஏழு முறை கழுவட்டும்" என்று கூறுவதை நான் கேட்டேன் என்பதற்கு நான் சாட்சியம் கூறுகிறேன்'."