அம்ரா (ரழி) அவர்கள் கூறினார்கள்:

“நான் ஆயிஷா (ரழி) அவர்களிடம், ‘அல்லாஹ்வின் தூதர் (ஸல்) அவர்கள் எவ்வாறு தொழுதார்கள்?’ என்று கேட்டேன். அதற்கு அவர்கள் கூறினார்கள்: ‘நபி (ஸல்) அவர்கள் உளூச் செய்யும்போது, தமது கையை பாத்திரத்தில் வைத்து பிஸ்மில்லாஹ் என்று கூறி, ஒழுங்காக உளூச் செய்வார்கள். பிறகு அவர்கள் எழுந்து நின்று கிப்லாவை முன்னோக்குவார்கள். அவர்கள் தமது இரு கைகளையும் தமது தோள்களுக்கு இணையாக உயர்த்தியவாறு தக்பீர் கூறுவார்கள். பிறகு அவர்கள், தமது கைகளை தமது முழங்கால்களில் வைத்தவாறு, தமது புஜங்களை விலாப்புறங்களிலிருந்து விலக்கி வைத்து ருகூஃ செய்வார்கள். பிறகு அவர்கள் தமது தலையை உயர்த்தி, முதுகை நேராக்கி, நீங்கள் நிற்பதை விட சற்று கூடுதலாக நிற்பார்கள். பிறகு, நான் பார்த்ததன்படி, அவர்கள் தமது கைகளை கிப்லாவை முன்னோக்கி வைத்து, முடிந்தவரை தமது புஜங்களை (விலாப்புறங்களிலிருந்து) விலக்கி வைத்து ஸஜ்தா செய்வார்கள். பிறகு அவர்கள் தமது தலையை உயர்த்தி, தமது வலது காலை நட்டு வைத்து, தமது இடது காலின் மீது அமர்வார்கள். மேலும், அவர்கள் தமது இடது பக்கம் சாய்வதை விரும்பமாட்டார்கள்.’”