நபி (ஸல்) அவர்கள் கூறினார்கள்: “உங்கள் நாட்களில் மிகச் சிறந்த நாள் வெள்ளிக்கிழமை ஆகும். இந்நாளில்தான் ஆதம் (அலை) அவர்கள் படைக்கப்பட்டார்கள், இந்நாளில்தான் அவர்கள் இறந்தார்கள், இந்நாளில்தான் சூர் (எக்காளம்) ஊதப்படும், இந்நாளில்தான் அனைத்துப் படைப்பினங்களும் மூர்ச்சையாகிவிடும். எனவே, இந்நாளில் என் மீது அதிகமாக ஸலவாத் சொல்லுங்கள், ஏனெனில் உங்கள் ஸலவாத் எனக்கு எடுத்துக் காட்டப்படும்.”
அவர்கள் கேட்டார்கள்: “அல்லாஹ்வின் தூதரே, நீங்கள் (மரணத்திற்குப் பிறகு) மக்கிப் போன பின்னர் எங்கள் ஸலவாத் உங்களுக்கு எப்படி எடுத்துக் காட்டப்படும்?”
அவர்கள் கூறினார்கள்: “சர்வ வல்லமையும், மகத்துவமும் மிக்க அல்லாஹ், நபிமார்களின் (அவர்கள் மீது சாந்தி உண்டாவதாக) உடல்களை பூமி சிதைப்பதை தடுத்துவிட்டான்.”
அவ்ஸ் இப்னு அவ்ஸ் (ரழி) அவர்கள் அறிவித்தார்கள், அல்லாஹ்வின் தூதர் (ஸல்) அவர்கள் கூறினார்கள்:
'உங்களது நாட்களில் மிகச் சிறந்தது வெள்ளிக்கிழமை ஆகும். அந்நாளில் தான் ஆதம் (அலை) அவர்கள் படைக்கப்பட்டார்கள்; அந்நாளில் தான் நஃப்கா* நிகழும்; அந்நாளில் தான் படைப்புகள் அனைத்தும் மயக்கமுறும். ஆகவே, இந்த நாளில் என் மீது அதிகமாக ஸலவாத்துகள் கூறுங்கள், ஏனெனில் உங்களது ஸலவாத்துகள் எனக்கு சமர்ப்பிக்கப்படுகின்றன.’ ஒருவர் கேட்டார்: "அல்லாஹ்வின் தூதரே! நீங்கள் (இறந்து உடல்) சிதைந்து போன பிறகு எங்களது ஸலவாத்துகள் உங்களுக்கு எப்படி சமர்ப்பிக்கப்படும்?” அவர் (ஸல்) அவர்கள் கூறினார்கள்: “நிச்சயமாக அல்லாஹ், நபிமார்களின் உடல்களை பூமி உண்பதைத் தடுத்துள்ளான்.”