அபூஹுரைரா (ரலி) அவர்கள் அறிவித்தார்கள், அல்லாஹ்வின் தூதர் (ஸல்) அவர்கள் கூறினார்கள்:

"ஒரு முஃமினுக்கு மற்றொரு முஃமின் மீதுள்ள கடமைகள் ஆறாகும்: அவர் நோய்வாய்ப்பட்டால் அவரை நலம் விசாரிப்பது, அவர் மரணித்தால் அவரி(ன் ஜனாஸாவி)ல் கலந்துகொள்வது, அவர் அழைத்தால் (அதை) ஏற்றுக்கொள்வது, அவரைச் சந்திக்கும்போது அவருக்கு ஸலாம் சொல்வது, அவர் தும்மினால் அவருக்கு (யர்ஹமுகல்லாஹ் எனக் கூறி) வாழ்த்துவது, அவர் மறைந்திருக்கும்போதும் முன்னிலையில் இருக்கும்போதும் அவருக்கு நலம் நாடுவது."