இப்னு அப்பாஸ் (ரலி) அவர்கள் கூறினார்கள்:

அபூலஹப் —அவன் மீது அல்லாஹ்வின் சாபம் உண்டாகட்டும்— நபி (ஸல்) அவர்களிடம், “நாள் முழுவதும் நீ நாசமாகப் போவாயாக! (இதற்காகவா எங்களை ஒன்று திரட்டினாய்?)” என்று கூறினான். அப்போது, “{தப்பத் யதா அபீ லஹபிவ் வதப்ப}” (அபூலஹபின் இரு கரங்களும் நாசமாகட்டும்! அவனும் நாசமாகட்டும்!) (எனும் இறைவசனம்) அருளப்பட்டது.

அனஸ் (ரலி) அவர்கள் அறிவித்தார்கள்:
நபி (ஸல்) அவர்கள் அபூ தல்ஹா (ரலி) அவர்களிடம், "அதை (உமது தோட்டத்தை) உமது நெருங்கிய உறவினர்களிடையே பங்கிடுமாறு நான் கருதுகிறேன்" என்று கூறினார்கள். அபூ தல்ஹா (ரலி) அவர்கள், "அல்லாஹ்வின் தூதரே! அவ்வாறே செய்கிறேன்" என்று கூறினார்கள். ஆகவே அபூ தல்ஹா (ரலி) அவர்கள் அதைத் தமது உறவினர்கள் மற்றும் தமது தந்தையின் சகோதரர் மக்களிடையே பங்கிட்டார்கள்.

இப்னு அப்பாஸ் (ரலி) அவர்கள் கூறினார்கள்:
"உம்முடைய நெருங்கிய உறவினர்களை நீர் எச்சரிப்பீராக" (திருக்குர்ஆன் 26:214) எனும் இறைவசனம் அருளப்பட்டபோது, நபி (ஸல்) அவர்கள் குறைஷிகளின் கிளைக் குலத்தாரை நோக்கி, "பனூ ஃபிஹ்ர் கூட்டத்தாரே! பனூ அதீ கூட்டத்தாரே!" என்று அழைக்கலானார்கள்.

அபூ ஹுரைரா (ரலி) அவர்கள் கூறினார்கள்:
"உம்முடைய நெருங்கிய உறவினர்களை நீர் எச்சரிப்பீராக" எனும் வசனம் அருளப்பட்டபோது, நபி (ஸல்) அவர்கள் "குறைஷிச் சமூகத்தாரே!" என்று அழைத்தார்கள்.