தொழுகை நேரம் வந்ததும், யாருடைய வீடுகள் அருகில் இருந்ததோ அவர்கள் (ஒளூச் செய்ய) தங்கள் வீடுகளுக்குச் சென்றார்கள்; மேலும், சிலர் (அங்கேயே) எஞ்சியிருந்தார்கள். அப்போது இறைத்தூதர் (ஸல்) அவர்களிடம் கல்லால் ஆன ஒரு பாத்திரம் (மிக்தாப்) கொண்டுவரப்பட்டது. அதில் தண்ணீர் இருந்தது. அப்பாத்திரம் சிறியதாக இருந்ததால், (நபி (ஸல்) அவர்கள்) அதில் தமது கையை விரித்து வைப்பதற்குப் போதுமான இடவசதி இருக்கவில்லை. ஆயினும், அங்கிருந்த மக்கள் அனைவரும் (அதிலிருந்து) ஒளூச் செய்தார்கள்.
(இதைக் கேட்ட நாங்கள்) "நீங்கள் எத்தனை பேராக இருந்தீர்கள்?" என்று கேட்டோம். அதற்கு அனஸ் (ரலி) அவர்கள், "எண்பதுக்கும் அதிகமானோர்" என்று பதிலளித்தார்கள்.