ராஃபிஉ பின் கதீஜ் (ரழி) அவர்கள் அறிவித்தார்கள்:
அன்சாரிகளிலேயே அதிக வயல்கள் உடையவர்களாக நாங்கள் இருந்தோம். நாங்கள் நிலத்தைக் குத்தகைக்கு விடுவது வழக்கம். சில வேளைகளில் (நிலத்தின்) இப்பகுதி விளைச்சலைத் தரும்; அப்பகுதி விளைச்சலைத் தராது. எனவே, அவ்வாறு (நிலத்தின் குறிப்பிட்ட பகுதியின் விளைச்சலை குத்தகைக்குக் கொடுப்பதிலிருந்து) செய்வதிலிருந்து நாங்கள் தடுக்கப்பட்டோம். ஆனால், வெள்ளி (நாணயத்தி)ற்காகக் குத்தகைக்கு விட நாங்கள் தடுக்கப்படவில்லை.

ராஃபிஃ பின் கதீஜ் (ரலி) அவர்கள் கூறினார்கள்:

"நாங்கள் அன்சாரிகளிலேயே அதிகமான விவசாய நிலங்களைக் கொண்டவர்களாக இருந்தோம். '(நிலத்தின்) இப்பகுதி (விளைச்சல்) எங்களுக்கும், அப்பகுதி அவர்களுக்கும்' (என்று விளைச்சலைத் தனித்தனியாகப் பிரிக்கும்) நிபந்தனையின் பேரில் நாங்கள் நிலத்தைக் குத்தகைக்கு விட்டுவந்தோம். சில நேரங்களில் இப்பகுதி விளைச்சலைத் தரும்; அப்பகுதி (எதையும்) விளைவிக்காது. எனவே, அவ்வாறு செய்வதை விட்டும் (நபி (ஸல்) அவர்கள்) எங்களைத் தடுத்தார்கள். ஆனால், வெள்ளி (நாணயங்களைக் கொண்டு வாடகைக்கு விடுவதை) அவர்கள் தடுக்கவில்லை."