அபூ ஹுரைரா (ரழி) அவர்கள் கூறியதாவது:
நான், "அல்லாஹ்வின் தூதரே! நான் உங்களிடமிருந்து ஏராளமான ஹதீஸ்களைச் செவியுறுகிறேன்; (ஆனால்) அவற்றை மறந்துவிடுகிறேன்" என்று கூறினேன். அதற்கு அவர்கள், "உமது ரிதாவை (மேலாடையை) விரியும்" என்றார்கள். நான் அதனை விரித்தேன். அவர்கள் தமது இரு கைகளாலும் (எதையோ) அள்ளி, பிறகு "இதை (உம்முடன்) சேர்த்து அணைத்துக்கொள்ளும்" என்றார்கள். நான் அவ்வாறே அதனை (என்னுடன்) சேர்த்து அணைத்துக்கொண்டேன். அதற்குப் பிறகு எதையும் நான் மறக்கவில்லை.

இப்ராஹீம் பின் அல்முன்திர் (ரஹ்) அவர்கள், இப்னு அபீ ஃபுதைக் (ரஹ்) வழியாக இதே ஹதீஸை அறிவித்தார்கள். அதில், "நபி (ஸல்) அவர்கள் தமது கையால் அள்ளி அதில் போட்டார்கள்" என்று கூறினார்கள்.