அபூ ஹுரைரா (ரழி) அவர்கள் அறிவித்தார்கள்: அல்லாஹ்வின் தூதர் (ஸல்) அவர்களிடம் (அந்தப் பருவத்தில்) முதன்முதலில் விளைந்த கனி கொண்டுவரப்பட்டபோது அவர்கள் கூறினார்கள்:

"அல்லாஹும்ம பாரிக் லனா ஃபீ மதீனதினா, வஃபீ ஸிமாரினா, வஃபீ முத்தினா, வஃபீ ஸாஃஇனா, பரகதன் மஅ பரகஹ்."

(யா அல்லாஹ்! எங்கள் நகரத்திலும், எங்கள் கனிகளிலும், எங்கள் முத் அளவிலும், எங்கள் ஸாஃ அளவிலும் எங்களுக்கு பரக்கத் செய்வாயாக; பரக்கத்தின் மீது பரக்கத்தை அருள்வாயாக).

பிறகு அதை அவர்கள் அங்கிருந்த பிள்ளைகளிலேயே சிறியவருக்குக் கொடுப்பார்கள்.

அபூ ஸயீத் அல்குத்ரி (ரழி) அவர்கள் அறிவித்தார்கள்:
அல்லாஹ்வின் தூதர் (ஸல்) அவர்கள் கூறினார்கள்:

“அல்லாஹும்ம பாரிக் லனா ஃபீ ஸாஇனா வ முத்தினா, வஜ்அல் மஅல் பரகதி பரகதைனி.”

(பொருள்: அல்லாஹ்வே! எங்களுடைய ‘ஸாஃ’விலும், எங்களுடைய ‘முத்’திலும் எங்களுக்குப் பரக்கத் செய்வாயாக! அந்தப் பரக்கத்துடன் (அதன் அளவை) இருமடங்காக்குவாயாக!)