அஸ்மா (ரழி) அவர்கள் அறிவித்தார்கள்:
அல்லாஹ்வின் தூதர் (ஸல்) அவர்கள் மதீனாவிற்கு ஹிஜ்ரத் செய்ய நாடியபோது, நான் அபூபக்ர் (ரழி) அவர்களின் வீட்டில், அல்லாஹ்வின் தூதர் (ஸல்) அவர்களுக்காகப் பயண உணவைத் (தயாரித்து மூட்டையாகக்) கட்டினேன். (அப்போது) அவரது (அல்லாஹ்வின் தூதர் (ஸல்) அவர்களின்) உணவு மூட்டையையும், அவரது தண்ணீர்த் துருத்தியையும் கட்டுவதற்கு எதையும் நாங்கள் காணவில்லை. எனவே நான் அபூபக்ர் (ரழி) அவர்களிடம், "அல்லாஹ்வின் மீது ஆணையாக! (இவற்றை) கட்டுவதற்கு என் இடுப்புப் பட்டையைத் தவிர வேறு எதையும் நான் காணவில்லை" என்று கூறினேன். அதற்கு அவர்கள், "அதை இரண்டு துண்டுகளாகக் கிழித்து, ஒரு துண்டால் தண்ணீர்த் துருத்தியையும் மற்றொரு துண்டால் உணவு மூட்டையையும் கட்டு" என்று கூறினார்கள். அவ்வாறே நான் செய்தேன். அதனால்தான் (அஸ்மா (ரழி) அவர்கள்) 'தாதுன் நிதாகைன்' (இரு இடுப்புப் பட்டைகளை உடையவர்) என்று பெயரிடப்பட்டார்.