இப்னு உமர் (ரலி) அவர்கள் அறிவித்தார்கள்:
அல்லாஹ்வின் தூதர் (ஸல்) அவர்கள் பனூ நளீர் (யூதர்களை மதீனாவிலிருந்து) வெளியேற்றினார்கள். பனூ குறைழா (யூதர்களை மதீனாவில்) தங்க அனுமதித்து, பின்னர் பனூ குறைழா (முஸ்லிம்களுக்கு எதிராகப்) போரிடும் வரை அவர்களுக்குக் கருணை காட்டினார்கள். (அவர்கள் போரிட்ட) பிறகு, அவர்களின் ஆண்களைக் கொன்று, அவர்களின் பெண்களையும், குழந்தைகளையும், உடைமைகளையும் முஸ்லிம்களிடையே பங்கிட்டார்கள். அவர்களில் சிலர் அல்லாஹ்வின் தூதர் (ஸல்) அவர்களுடன் சேர்ந்துகொண்டபோது, அவர்களுக்குப் பாதுகாப்பு அளித்து, அவர்களும் இஸ்லாத்தை ஏற்றுக்கொண்டார்கள். (இறுதியில்) அல்லாஹ்வின் தூதர் (ஸல்) அவர்கள் மதீனாவில் இருந்த யூதர்கள் அனைவரையும் வெளியேற்றினார்கள். (அவர்கள்) பனூ கைனுகா (அப்துல்லாஹ் பின் சலாம் அவர்களின் கூட்டத்தினர்), பனூ ஹாரிதா யூதர்கள் மற்றும் மதீனாவில் இருந்த ஒவ்வொரு யூதரும் ஆவர்.

இப்னு உமர் (ரழி) அவர்கள் கூறினார்கள்:
“யூதர்களான பனூ அந்நதீர் மற்றும் குறைழா குலத்தினர் அல்லாஹ்வின் தூதர் (ஸல்) அவர்களுடன் போரிட்டார்கள். எனவே, அல்லாஹ்வின் தூதர் (ஸல்) அவர்கள் பனூ அந்நதீர் குலத்தாரை வெளியேற்றிவிட்டு, குறைழா குலத்தாரை (மதீனாவில்) இருக்க அனுமதித்து அவர்களுக்குச் சலுகை அளித்தார்கள். அதன்பிறகு குறைழா குலத்தாரும் போரிட்டார்கள். எனவே, நபி (ஸல்) அவர்கள் அவர்களின் ஆண்களைக் கொன்று, அவர்களின் பெண்களையும், குழந்தைகளையும், சொத்துக்களையும் முஸ்லிம்களிடையே பங்கிட்டார்கள்; அவர்களில் அல்லாஹ்வின் தூதர் (ஸல்) அவர்களுடன் வந்து இணைந்த சிலரைத் தவிர. நபி (ஸல்) அவர்கள் அவர்களுக்குப் பாதுகாப்பு அளித்தார்கள்; பின்னர் அவர்கள் இஸ்லாத்தை ஏற்றுக்கொண்டார்கள். அல்லாஹ்வின் தூதர் (ஸல்) அவர்கள் மதீனாவின் அனைத்து யூதர்களையும் முழுமையாக வெளியேற்றினார்கள்; (அவர்கள்) அப்துல்லாஹ் பின் ஸலாம் (ரழி) அவர்களின் சமூகத்தாரான பனூ கைனுகா குலத்தினர், பனூ ஹாரிஸா யூதர்கள் மற்றும் மதீனாவில் வசித்த மற்ற அனைத்து யூதர்களுமாவர்.”