அபூ ஹுரைரா (ரழி) அவர்கள் அறிவித்தார்கள்:

அல்லாஹ்வின் தூதர் (ஸல்) அவர்கள் கூறினார்கள்: "ஓர் இறைநம்பிக்கையாளரின் உதாரணம், இளம் பயிரின் தண்டு போன்றதாகும். காற்று எங்கிருந்து வந்தாலும், அதன் இலைகள் (காற்று வரும் திசைக்கு ஏற்ப) வளைந்து கொடுக்கும்; காற்று அதை அசைக்கும். காற்று ஓய்ந்ததும் அது நிமிர்ந்து நிற்கும். இவ்வாறே இறைநம்பிக்கையாளரும் சோதனைகளால் (புரட்டிப்) போடப்படுகிறார். ஆனால், ஓர் இறைமறுப்பாளனின் உதாரணம் தேவதாரு மரத்தைப் போன்றதாகும். அல்லாஹ் தான் நாடும்போது அதை (ஒரேயடியாக) முறித்துவிடும் வரை, அது (வளைந்து கொடுக்காமல்) கெட்டியாக நிமிர்ந்து நிற்கும்."