ஆயிஷா (ரழி) அறிவிக்கிறார்கள்:

அல்லாஹ்வின் தூதர் (ஸல்) அவர்கள், ருக்யா கொண்டு சிகிச்சை செய்யும்போது, தங்கள் ருக்யாவில், "அல்லாஹ்வின் பெயரால், எங்கள் பூமியின் மண்ணும், எங்களில் சிலரின் உமிழ்நீரும் எங்கள் இறைவனின் அனுமதியுடன் எங்கள் நோயாளியைக் குணப்படுத்தும்" என்பதை (சிறிதளவு உமிழ்நீர் தெறிக்க) ஓதுவார்கள்.

ஆயிஷா (ரழி) அவர்கள் கூறினார்கள்:

ஒரு மனிதர் தமக்கு ஏற்பட்ட வலியைக் குறித்து முறையிட்டபோது, நபி (ஸல்) அவர்கள் தங்களின் உமிழ்நீரைத் தொட்டு, அதை மண்ணில் தோய்த்து அவரிடம் கூறினார்கள்: (இது) எங்களின் பூமியின் மண்; எங்களில் சிலரின் உமிழ்நீருடன் கலந்திருக்கிறது. இதன் மூலம் எங்களின் நோயாளி, எங்களின் இறைவனின் அனுமதியுடன் குணமடைகிறார்.

ஆயிஷா (ரழி) அவர்கள் அறிவித்தார்கள், நோயாளிக்காக நபி (ஸல்) அவர்கள் (மண்ணில் தோய்த்த) தனது விரலில் உள்ள உமிழ்நீரைக் கொண்டு கூறும் விஷயங்களில் ஒன்று இதுவாகும்:

“பிஸ்மில்லாஹ், துர்ப(த்)து அர்ழினா, பிரீக(த்)தி பஃழினா, லியுஷ்ஃப ஸகீமுனா. பி’இத்னி ரப்பினா (அல்லாஹ்வின் பெயரால், எங்களது பூமியின் மண், எங்களில் சிலரின் உமிழ்நீருடன் கலக்கப்பட்டு, எங்கள் இரட்சகனின் அனுமதியுடன் எங்களில் நோயுற்றிருப்பவரைக் குணப்படுத்தட்டும்).”

ஆயிஷா (ரழி) அவர்கள் அறிவித்தார்கள்:
ஒருவர் நபி (ஸல்) அவர்களிடம் ஒரு நோயைப் பற்றி முறையிட்டால் அல்லது அவருக்கு ஒரு புண் அல்லது காயம் ஏற்பட்டால், நபி (ஸல்) அவர்கள் தங்கள் ஆள்காட்டி விரலால் தரையைத் தொட்டு, பின்னர் அதை உயர்த்துவார்கள் (அறிவிப்பாளர் சுஃப்யான் பின் உயைனா அவர்கள் தனது ஆள்காட்டி விரலால் இதை செய்து காட்டினார்கள்) மேலும் இவ்வாறு ஓதுவார்கள்: 'பிஸ்மில்லாஹி, துர்ப(த்)து அர்ழினா, பிரீக(த்)தி பஃழினா, யுஷ்ஃபா பிஹி சகீமுனா, பி இத்னி ரப்பினா' (அல்லாஹ்வின் பெயரால், எங்களில் சிலரின் உமிழ்நீருடன் கலந்த எங்களின் பூமியின் மண், எங்களின் இறைவனின் அனுமதியுடன் எங்களின் நோயாளியைக் குணப்படுத்தும்.)

அல்-புகாரி மற்றும் முஸ்லிம்.