ஸயீத் பின் அப்தில் அஸீஸ் (ரஹ்) அவர்கள் கூறினார்கள்:
'ஹர்ரா' (யுத்த) நாட்களில், மஸ்ஜிதுந் நபவியில் மூன்று (நாட்களாக) பாங்கோ இகாமத்தோ சொல்லப்படவில்லை. ஸயீத் பின் அல்-முஸய்யப் (ரஹ்) அவர்கள் (அந்த இக்கட்டான சூழலிலும்) அப்பள்ளிவாசலை விட்டு வெளியேறவில்லை. நபிகள் நாயகம் (ஸல்) அவர்களின் கப்ரிலிருந்து (அவர்களுக்கு மட்டும்) கேட்ட ஒருவித மெல்லிய ஓசையை (முணுமுணுப்பை)ச் செவியேற்பதன் மூலமாகவே தவிர, தொழுகையின் நேரத்தை அவர்கள் அறியவில்லை.