இப்னு உமர் (ரலி) அவர்கள் கூறியதாவது:
அல்லாஹ்வின் தூதர் (ஸல்) அவர்கள் ஒரு வெள்ளி மோதிரத்தைச் செய்து கொண்டார்கள். அது அவர்களது கையில் இருந்தது. பிறகு அபூபக்ர் (ரலி) அவர்களின் கையிலும், பிறகு உமர் (ரலி) அவர்களின் கையிலும், பிறகு உஸ்மான் (ரலி) அவர்களின் கையிலும் இருந்தது. இறுதியில் உஸ்மான் (ரலி) அவர்களிடமிருந்து 'அரீஸ்' கிணற்றில் அது விழுந்துவிட்டது. அம்மோதிரத்தில் "முஹம்மது ரசூலுல்லாஹ்" என்று பொறிக்கப்பட்டிருந்தது.

இப்னு நுமைர் (ரஹ்) அவர்கள் (இதனை அறிவிக்கும்போது), "அது கிணற்றில் விழுந்துவிட்டது" என்று கூறினார்கள்; "அவர்களிடமிருந்து" (விழுந்தது) என்று கூறவில்லை.

இப்னு உமர் (ரழி) அவர்கள் கூறியதாவது:

“அல்லாஹ்வின் தூதர் (ஸல்) அவர்கள் ஒரு வெள்ளி மோதிரத்தைச் செய்து கொண்டார்கள். அது அவர்களின் கையில் இருந்தது. பிறகு, அது அபூபக்ர் (ரழி) அவர்களின் கையிலும், உமர் (ரழி) அவர்களின் கையிலும் இருந்தது. பிறகு, அது உஸ்மான் (ரழி) அவர்களின் கையில் இருந்தது; இறுதியில் அது ‘அரீஸ்’ கிணற்றில் விழுந்துவிட்டது. அதில் ‘முஹம்மத் ரஸூலுல்லாஹ்’ (முஹம்மத் அல்லாஹ்வின் தூதர்) என்று பொறிக்கப்பட்டிருந்தது.”