உம் ஸலமா (ரழி) அவர்கள் அறிவித்தார்கள்:
நபிகள் நாயகம் (ஸல்) அவர்கள் என்னிடம் வந்தார்கள், அப்போது என்னுடன் ஒரு பெண்தன்மை கொண்டவர் அமர்ந்திருந்தார், அப்துல்லாஹ் பின் அபீ உமையாவிடம் அவர் (அதாவது, அந்த பெண்தன்மை கொண்டவர்) கூறுவதை நான் கேட்டேன், “ஓ அப்துல்லாஹ்! நாளை அல்லாஹ் உனக்கு தாயிஃபை வெற்றி கொள்ளச் செய்தால், கய்லானின் மகளை (திருமணம்) செய்துகொள், ஏனெனில் (அவள் மிகவும் அழகாகவும் கொழுத்தும் இருப்பதால்) அவள் உன்னை நோக்கும்போது நான்கு மடிப்புகளையும், அவள் முதுகைத் திருப்பும்போது எட்டு மடிப்புகளையும் காட்டுகிறாள்.” பின்னர் நபிகள் நாயகம் (ஸல்) அவர்கள் கூறினார்கள், “இத்தகைய பெண்தன்மை கொண்டவர்கள் ஒருபோதும் உங்களிடம் (பெண்களே!) நுழையக்கூடாது.” இப்னு ஜுரைஜ் அவர்கள் கூறினார்கள், “அந்த பெண்தன்மை கொண்டவரின் பெயர் ஹீத்.”

ஹிஷாம் அவர்கள் அறிவித்தார்கள்:

மேற்கண்ட அறிவிப்புடன் கூடுதலாக, அந்த நேரத்தில் நபிகள் நாயகம் (ஸல்) அவர்கள் தாயிஃபை முற்றுகையிட்டுக் கொண்டிருந்தார்கள்.

உம்மு ஸலமா (ரலி) அவர்கள் அறிவித்தார்கள்:

நபி (ஸல்) அவர்கள் என்னிடம் இருந்தபோது, வீட்டில் பெண் தன்மையுடைய ஒருவர் இருந்தார். அவர் உம்மு ஸலமாவின் சகோதரர் அப்துல்லாஹ் பின் அபீ உமைய்யாவிடம், "அல்லாஹ் நாளை தாயிஃபை உங்களுக்கு வெற்றி கொள்ளச் செய்தால், ஃகைலானின் மகளை உமக்கு நான் அடையாளம் காட்டுகிறேன். ஏனெனில் அவள் (முன்புறம்) வரும்போது நான்கு (சதை) மடிப்புகளுடனும், (பின்புறம்) செல்லும்போது எட்டு மடிப்புகளுடனும் வருகிறாள்" என்று கூறினார். அப்போது நபி (ஸல்) அவர்கள், "இவர் (இனி) உங்களிடம் பிரவேசிக்கக் கூடாது" என்று கூறினார்கள்.

உம்மு ஸலமா (ரலி) அவர்கள் கூறியதாவது:
என்னிடம் பெண் தன்மையுடைய ஒருவர் (முகன்னத்) இருந்தார். அப்போது அல்லாஹ்வின் தூதர் (ஸல்) அவர்கள் வீட்டில் இருந்தார்கள். அந்த நபர் உம்மு ஸலமாவின் சகோதரர் அப்துல்லாஹ் பின் அபீ உமைய்யாவிடம், "அப்துல்லாஹ்வே! நாளை தாயிஃப் மீது அல்லாஹ் உங்களுக்கு வெற்றியை அளித்தால், நான் உமக்கு ஃகைலானின் மகளைக் காட்டுகிறேன். ஏனெனில் அவள் (தன் உடலப்பருமனால்) முன்புறம் நான்கு (மடிப்புகளுடனும்), பின்புறம் எட்டு (மடிப்புகளுடனும்) வருகிறாள்" என்று கூறினார். இதை அல்லாஹ்வின் தூதர் (ஸல்) அவர்கள் செவியுற்றபோது, "இவர்கள் உங்களிடம் (பெண்களிடம்) நுழையக் கூடாது" என்று கூறினார்கள்.

நபி (ஸல்) அவர்களின் மனைவி உம்மு ஸலமா (ரழி) அவர்களிடத்தில் பெண் தன்மையுடைய ஒருவர் இருந்தார். அப்போது அல்லாஹ்வின் தூதர் (ஸல்) அவர்கள் (அங்கு பேசுவதைக்) கேட்டுக் கொண்டிருந்தார்கள். அந்த நபர் அப்துல்லாஹ் பின் அபீ உமைய்யாவிடம், "அப்துல்லாஹ்வே! நாளை தாயிஃப் மீது அல்லாஹ் உங்களுக்கு வெற்றியை அளித்தால், கைலானுடைய மகளிடம் நான் உங்களை அழைத்துச் செல்வேன். ஏனெனில் அவள் நான்கு (மடிப்புகளுடன்) வருகிறாள்; எட்டு (மடிப்புகளுடன்) செல்கிறாள்" என்று கூறினார். (இதைக் கேட்ட) அல்லாஹ்வின் தூதர் (ஸல்) அவர்கள், "இவர்கள் உங்களிடத்தில் நுழையவே கூடாது" என்று கூறினார்கள்.