துமாமா பின் அப்துல்லாஹ் அவர்கள் அறிவித்தார்கள்:
நான் அனஸ் (ரழி) அவர்களிடம் சென்றபோது, அவர்கள் எனக்கு வாசனைத் திரவியம் கொடுத்தார்கள். அனஸ் (ரழி) அவர்கள் வாசனைத் திரவியத்தை மறுக்கமாட்டார்கள் என்று (துமாமா) கூறினார்கள். (மேலும் துமாமா கூறினார்:) நபி (ஸல்) அவர்கள் வாசனைத் திரவியத்தை மறுப்பவர்களாக இருக்கவில்லை என்று அனஸ் (ரழி) அவர்கள் (உறுதியாக) அறிவித்தார்கள்.

துமாமா பின் அப்துல்லாஹ் அறிவித்தார்கள்:
அனஸ் (ரழி) அவர்கள் (நீர் அருந்தும்போது) பாத்திரத்திலிருந்து (வாயை அகற்றி) இரண்டு அல்லது மூன்று முறை மூச்சு விடுவார்கள் என்றும், நபி (ஸல்) அவர்கள் (நீர் அருந்தும்போது) மூன்று முறை (பாத்திரத்திலிருந்து வாயை அகற்றி) மூச்சு விடுவார்கள் என்றும் (உறுதிபடக்) கூறுவார்கள்.

அனஸ் (ரலி) அவர்கள் பாத்திரத்தில் (பருகும்போது, வாயை எடுத்து) மூன்று முறை மூச்சு விட்டுக்கொள்வார்கள். மேலும், "அல்லாஹ்வின் தூதர் (ஸல்) அவர்கள் பாத்திரத்தில் (பருகும்போது, வாயை எடுத்து) மூன்று முறை மூச்சு விட்டுக்கொள்வார்கள்" என்று அனஸ் (ரலி) அவர்கள் கூறினார்கள்.

துமாமா இப்னு அப்துல்லாஹ் (ரஹ்) அவர்கள் கூறினார்கள்: அனஸ் இப்னு மாலிக் (ரழி) அவர்கள் நறுமணத்தை (அவர்களுக்கு வழங்கப்பட்டால்) மறுக்க மாட்டார்கள். மேலும் அனஸ் (ரழி) அவர்கள் கூறினார்கள்: நிச்சயமாக நபி (ஸல்) அவர்கள் நறுமணத்தை (அவர்களுக்கு வழங்கப்பட்டால்) மறுக்க மாட்டார்கள்.