அபூ ஹுரைரா (ரழி) அவர்கள் அறிவித்தார்கள்:
நான் அல்லாஹ்வின் தூதர் (ஸல்) அவர்கள் கூறக் கேட்டேன்: "என் உம்மத்தினரில் ஒரு கூட்டத்தினர் (ஓ 70,000) கேள்வி கணக்கின்றி சொர்க்கத்தில் நுழைவார்கள். அவர்களுடைய முகங்கள் சந்திரனைப் போன்று பிரகாசிக்கும்." உக்காஷா பின் மிஹ்ஸன் அல்-அஸதீ (ரழி) அவர்கள் தம் மேலாடையை உயர்த்தியவாறு எழுந்து நின்று, "அல்லாஹ்வின் தூதரே (ஸல்) அல்லாஹ் என்னை அவர்களுடன் சேர்த்து வைப்பதற்காக எனக்காக அவனிடம் பிரார்த்தனை செய்யுங்கள்" என்று கூறினார்கள். நபி (ஸல்) அவர்கள் கூறினார்கள்! "யா அல்லாஹ்! இவரை அவர்களில் ஒருவராக ஆக்குவாயாக!" பிறகு, அன்சாரிகளில் மற்றொருவர் (ரழி) அவர்கள் எழுந்து நின்று, "அல்லாஹ்வின் தூதரே (ஸல்) ! அல்லாஹ் என்னை அவர்களுடன் சேர்த்து வைப்பதற்காக எனக்காக அவனிடம் பிரார்த்தனை செய்யுங்கள்" என்று கூறினார்கள். அதற்கு அல்லாஹ்வின் தூதர் (ஸல்) அவர்கள் கூறினார்கள், "'உங்களுக்கு முன்பே உக்காஷா முந்திக்கொண்டார்.'"

அபூ ஹுரைரா (ரழி) அவர்கள் அறிவித்தார்கள்:

அல்லாஹ்வின் தூதர் (ஸல்) அவர்கள் கூற நான் கேட்டேன்: என் உம்மத்தில் எழுபதாயிரம் பேர் கொண்ட ஒரு கூட்டத்தினர் சொர்க்கத்தில் நுழைவார்கள்; அவர்களின் முகங்கள் முழு நிலவின் பிரகாசத்தைப் போல பிரகாசமாக இருக்கும். அபூ ஹுரைரா (ரழி) அவர்கள் கூறினார்கள்: உக்காஷா இப்னு மிஹ்ஸன் அல்-அஸதி (ரழி) அவர்கள் தம் போர்வையைப் போர்த்தியவாறு எழுந்து நின்று கூறினார்கள்: அல்லாஹ்வின் தூதரே, அவர்களில் ஒருவராக என்னை ஆக்குமாறு அல்லாஹ்விடம் பிரார்த்தனை செய்யுங்கள். இதைக் கேட்ட அல்லாஹ்வின் தூதர் (ஸல்) அவர்கள் கூறினார்கள்: யா அல்லாஹ், இவரை அவர்களில் ஒருவராக ஆக்குவாயாக. பின்னர் அன்சாரிகளில் ஒருவர் (ரழி) அவர்கள் எழுந்து நின்று கூறினார்கள்: அல்லாஹ்வின் தூதரே, அவர்களில் ஒருவராக என்னை ஆக்குமாறு அல்லாஹ்விடம் பிரார்த்தனை செய்யுங்கள். அல்லாஹ்வின் தூதர் (ஸல்) அவர்கள் கூறினார்கள்: உக்காஷா இவ்விஷயத்தில் உங்களை முந்திவிட்டார்.