அபூஹுரைரா (ரலி) அவர்கள் அறிவித்தார்கள்:

நபி (ஸல்) அவர்கள் கூறினார்கள்: "பனூ இஸ்ராயீல்களை நபிமார்களே நிர்வகித்து வந்தனர். ஒரு நபி மரணிக்கும்போதெல்லாம் மற்றொரு நபி அவருக்குப் பகரமாக வருவார். நிச்சயமாக எனக்குப் பிறகு எந்த நபியும் இல்லை. ஆனால் கலீஃபாக்கள் இருப்பார்கள்; அவர்கள் (எண்ணிக்கையில்) அதிகமாவார்கள்."

மக்கள், "நாங்கள் என்ன செய்ய வேண்டுமெனக் கட்டளையிடுகிறீர்கள்?" என்று கேட்டார்கள்.

அதற்கு அவர்கள் கூறினார்கள்: "(முறையே) முதலில் வருபவருக்குச் செய்த பைஅத்தை (விசுவாசப் பிரமாணத்தை) நிறைவேற்றுங்கள். அவர்களுக்குரிய உரிமையை அவர்களுக்குக் கொடுத்துவிடுங்கள். ஏனெனில், அவர்களின் பொறுப்பில் ஒப்படைக்கப்பட்டவை குறித்து அல்லாஹ் அவர்களிடம் கேட்பான்."