ஒரு குழுவினரில் அபுத் தஹ்மா மற்றும் அபூ கதாதா ஆகியோர் அறிவிக்கிறார்கள்:

நாங்கள் ஹிஷாம் இப்னு ஆமிர் (ரலி) அவர்களைக் கடந்து இம்ரான் இப்னு ஹுஸைன் (ரலி) அவர்களிடம் செல்வது வழக்கம். ஒரு நாள் ஹிஷாம் (ரலி) கூறினார்கள்: "நீங்கள் சில மனிதர்களிடம் செல்வதற்காக என்னைக் கடந்து செல்கிறீர்கள். அவர்கள் என்னை விட அதிகமாக அல்லாஹ்வின் தூதர் (ஸல்) அவர்களின் அவையில் வீற்றிருந்தவர்களும் அல்லர் (அதாவது, நபி (ஸல்) அவர்களின் சபைகளில் என்னை விட அதிகமாகக் கலந்துகொண்டவர்களும் அல்லர்); என்னை விட அதிகமாக அன்னாரின் ஹதீஸ்களை அறிந்தவர்களும் அல்லர். அல்லாஹ்வின் தூதர் (ஸல்) அவர்கள் கூற நான் கேட்டுள்ளேன்: 'ஆதம் (அலை) படைக்கப்பட்டது முதல் மறுமை நாள் ஏற்படும் வரை, தஜ்ஜாலை விடப் பெரியதொரு படைப்பு எதுவும் இல்லை.'"