அனஸ் பின் மாலிக் (ரழி) அவர்கள் அறிவித்தார்கள்:

அல்லாஹ்வின் தூதர் (ஸல்) அவர்கள் கூறினார்கள், "மக்கள், 'அல்லாஹ் தான் அனைத்தையும் படைத்தவன், அப்படியானால் அல்லாஹ்வை யார் படைத்தது?' என்று கேட்கும் வரை கேள்விகள் கேட்பதை நிறுத்த மாட்டார்கள்."

ஆயிஷா (ரழி) அவர்கள் அறிவித்தார்கள்:

நபி (ஸல்) அவர்கள் (மார்க்க ரீதியாக) சலுகையளிக்கப்பட்ட ஒன்றைச் செய்தார்கள். ஆனால் சிலர் அதிலிருந்து விலகிக்கொண்டனர். இச்செய்தி நபி (ஸல்) அவர்களுக்கு எட்டியதும், அவர்கள் அல்லாஹ்வைப் புகழ்ந்துவிட்டுப் பிறகு கூறினார்கள்: “நான் செய்யும் ஒன்றிலிருந்து விலகிக்கொள்ளும் கூட்டத்தாருக்கு என்ன நேர்ந்தது? அல்லாஹ்வின் மீது ஆணையாக! அவர்களைவிட நான் அல்லாஹ்வை நன்கு அறிந்தவன்; மேலும் அவர்களை விட நான் அவனுக்கு அதிகம் அஞ்சுபவன் ஆவேன்.”

ஆயிஷா (ரழி) அவர்கள் அறிவித்தார்கள்:
அல்லாஹ்வின் தூதர் (ஸல்) அவர்கள் ஒரு விஷயத்தில் சலுகை அளித்தார்கள். ஆனால் மக்களில் சிலர் அதனைத் தவிர்த்துக் கொண்டார்கள். இச்செய்தி நபி (ஸல்) அவர்களுக்கு எட்டியதும் அவர்கள் கோபமடைந்தார்கள்; அவர்களின் முகத்தில் அந்தக் கோபம் வெளிப்பட்டது. பிறகு அவர்கள் கூறினார்கள்:
"மக்களுக்கு என்ன நேர்ந்தது? எனக்குச் சலுகை வழங்கப்பட்டுள்ள ஒன்றை அவர்கள் தவிர்க்கிறார்களா? அல்லாஹ்வின் மீது ஆணையாக! அவர்களை விட அல்லாஹ்வை நானே நன்கு அறிந்தவன்; அவர்களை விட நானே அவனை அதிகம் அஞ்சுபவன்."