ஸைத் பின் ஸாபித் (ரழி) அவர்கள் அறிவித்தார்கள்:
அபூபக்ர் (ரழி) அவர்கள் என்னை அழைத்து அனுப்பி, "நிச்சயமாக நீங்கள் அல்லாஹ்வின் தூதர் (ஸல்) அவர்களுக்காக வஹீ (இறைச்செய்தி)யை எழுதிக் கொண்டிருந்தீர்கள். ஆகவே, நீங்கள் (குர்ஆனைத்) தேடி (சேகரியுங்கள்)" என்று கூறினார்கள். நான் (குர்ஆனைத்) தேடினேன். இறுதியில் சூரத் அத்-தவ்பாவின் கடைசி இரண்டு வசனங்களை அபூ குஸைமா அல்-அன்ஸாரீ (ரழி) அவர்களிடம் நான் கண்டெடுத்தேன்; இவ்விரு வசனங்களை அவரைத் தவிர வேறு யாரிடமும் நான் காணவில்லை. (அவை): "{லகத் ஜாஅக்கும் ரஸூலுன் மின் அன்ஃபுஸிக்கும் அஸீஸுன் அலைஹி மா அனித்தும்...}" (என்பதிலிருந்து அதன் இறுதி வரை).