இப்னு அப்பாஸ் (ரழி) அவர்கள் அறிவித்தார்கள்:
நான் நபி (ஸல்) அவர்களின் துணைவியார் மைமூனா (ரழி) அவர்களிடத்தில் தூங்கினேன். அந்த இரவில் அல்லாஹ்வின் தூதர் (ஸல்) அவர்களும் அங்கே இருந்தார்கள். அல்லாஹ்வின் தூதர் (ஸல்) அவர்கள் உளூச் செய்தார்கள்; பின்னர் நின்று தொழுதார்கள். நான் அவர்களுக்கு இடது பக்கத்தில் நின்றேன். அவர்கள் என்னைப் பிடித்து, என்னை தமது வலது பக்கத்தில் ஆக்கினார்கள். அந்த இரவில் அவர்கள் பதின்மூன்று ரக்அத்கள் தொழுதார்கள். பிறகு அல்லாஹ்வின் தூதர் (ஸல்) அவர்கள் (குறட்டை ஒலி கேட்கும் அளவுக்கு) தூங்கினார்கள். அவர்கள் தூங்கினால் (அவ்வாறு) ஒலி எழுப்புவது வழக்கம். பிறகு அவர்களிடம் முஅத்தின் வந்தார். அவர்கள் வெளியே சென்று, (மீண்டும்) உளூச் செய்யாமலேயே தொழுதார்கள்.

அம்ர் (ரஹ்) அவர்கள் கூறினார்கள்: "நான் இச்(செய்தி)தை புகைர் பின் அல்அஷஜ் அவர்களிடம் அறிவித்தேன். அதற்கு அவர், 'குரைப் (ரஹ்) அவர்கள் இதை எனக்கு அறிவித்தார்' என்று கூறினார்."