அபூ ஹுரைரா (ரழி) அவர்கள் அறிவித்தார்கள்:
அல்லாஹ்வின் தூதர் (ஸல்) அவர்கள் கூறினார்கள்: "உங்களில் எவரையும் அவரது செயல் (மட்டும்) காப்பாற்றாது." அவர்கள், "அல்லாஹ்வின் தூதரே! உங்களையுமா?" என்று கேட்டார்கள். அதற்கு அவர்கள், "என்னையும்தான்; அல்லாஹ் தனது அருளால் என்னை அரவணைத்தாலே தவிர! எனவே, நேர்மையாகச் செயல்படுங்கள்; (பூரணத்துவத்தை) நெருங்கி நில்லுங்கள்; காலையிலும், மாலையிலும், இரவின் ஒரு பகுதியிலும் (நற்செயலில் ஈடுபடுங்கள்). நடுநிலை! நடுநிலையைக் கடைப்பிடியுங்கள்; (அப்போதுதான்) நீங்கள் இலக்கை அடைவீர்கள்" என்று கூறினார்கள்.