அபூ ஹுரைரா (ரலி) அவர்கள் அறிவித்தார்கள்:
நான் அல்லாஹ்வின் தூதர் (ஸல்) அவர்கள் இவ்வாறு கூறக் கேட்டேன்: "பெருமிதமும் ஆணவமும் (கால்நடைகளை விரட்டும்) இரைச்சலிடும் கூடாரவாசிகளிடம் உள்ளன; அமைதி ஆடு மேய்ப்பவர்களிடம் உள்ளது. ஈமான் யமன் நாட்டவர்க்குரியது; ஞானமும் யமன் நாட்டவர்க்குரியது."

அபூ அப்துல்லாஹ் (அல்-புகாரி) அவர்கள் கூறினார்கள்: "யமன் நாடு, கஅபாவின் வலதுபுறத்தில் அமைந்துள்ளதால் அப்பெயர் சூட்டப்பட்டது; ஷாம் நாடு, கஅபாவின் இடதுபுறத்தில் அமைந்துள்ளதால் அப்பெயர் சூட்டப்பட்டது. 'மஷ்அமா' என்பது இடதுபுறமாகும். இடது கைக்கு 'ஷுஃமா' என்றும், இடது பக்கத்திற்கு 'அஷ்அம்' என்றும் சொல்லப்படும்."

அபூ ஹுரைரா (ரழி) அவர்கள் அறிவித்தார்கள்:

நபி (ஸல்) அவர்கள் கூறினார்கள், "யமன் நாட்டு மக்கள் உங்களிடம் வந்துள்ளார்கள். அவர்கள் மிகுந்த மென்மையான உள்ளமும், இளகிய இதயமும் கொண்டவர்கள். ஈமான் யமன் தேசத்தது; ஞானமும் யமன் தேசத்தது. அதேசமயம், பெருமையும் அகம்பாவமும் ஒட்டக உரிமையாளர்களின் (அதாவது நாடோடி அரபியர்களின்) குணங்களாகும். அமைதியும் கண்ணியமும் ஆடு மேய்ப்பவர்களின் பண்புகளாகும்."

இதே ஹதீஸ் ஸுஹ்ரி அவர்களால் அதே அறிவிப்பாளர் தொடருடன், பின்வரும் கூடுதல் தகவலுடன் அறிவிக்கப்பட்டுள்ளது:

ஈமான் யமன் நாட்டவர்களிடையே உள்ளது, ஞானம் யமன் நாட்டவர்களுடையது.