அபூ ஹுரைரா (ரலி) அவர்கள் அறிவித்தார்கள்:

அல்லாஹ்வின் தூதர் (ஸல்) அவர்கள் கூறினார்கள்:
"மூன்று நபர்களிடம் அல்லாஹ் பேசவும் மாட்டான்; அவர்களைப் பார்க்கவும் மாட்டான்; அவர்களைத் (பாவங்களிலிருந்து) தூய்மைப்படுத்தவும் மாட்டான். அவர்களுக்குத் துன்புறுத்தும் வேதனையும் உண்டு.
(1) பாதையில் தன்னிடம் உபரியாகத் தண்ணீர் இருந்தும், வழிப்போக்கருக்கு அதைத் தர மறுப்பவர்.
(2) உலக ஆதாயத்திற்காகவே ஒரு மனிதரிடம் விசுவாசப் பிரமாணம் செய்தவர்; அவர் இவர் நாடியதைக் கொடுத்தால் அவருக்குக் கட்டுப்பட்டு நடப்பார்; கொடுக்காவிட்டால் கட்டுப்படமாட்டார்.
(3) அஸ்ர் நேரத்திற்குப் பின் ஒரு சரக்கை விற்பதற்காக (மற்றொருவரிடம்) பேரம் பேசி, அப்பொருளுக்கு இவ்வளவு விலை தரப்பட்டதாக அல்லாஹ்வின் மீது ஆணையிட்டுச் சொல்ல, (அதை உண்மை என்று நம்பி) வாங்குபவர் அப்பொருளை வாங்கிக்கொள்கிறார்."