இப்னு அப்பாஸ் (ரலி) அவர்கள் கூறியதாவது:

நபி (ஸல்) அவர்கள் கூறினார்கள்: "‘யூனுஸ் பின் மத்தா’வை விட நான் சிறந்தவன் என்று கூறுவது எந்த ஓர் அடியாருக்கும் தகுதியானதல்ல." (இவ்வாறு கூறும்போது) நபி (ஸல்) அவர்கள், யூனுஸ் (அலை) அவர்களை அவர்களின் தந்தையுடன் இணைத்துச் சொன்னார்கள்.

மேலும் நபி (ஸல்) அவர்கள், தாம் (விண்ணுலகப் பயணத்திற்கு) அழைத்துச் செல்லப்பட்ட இரவைப் பற்றிக் குறிப்பிடும்போது, "மூஸா (அலை) அவர்கள் 'ஷனுஆ' குலத்து ஆண்களைப் போன்று மாநிறம் கொண்டவராகவும் உயரமானவராகவும் இருந்தார்கள். ஈஸா (அலை) அவர்கள் சுருள் முடியுடையவராகவும் நடுத்தர உயரம் கொண்டவராகவும் இருந்தார்கள்" என்று கூறினார்கள். மேலும் நரகத்தின் காவலரான மாலிக்கையும், தஜ்ஜாலையும் அவர்கள் குறிப்பிட்டார்கள்.