அபூ ஸயீத் அல்குத்ரீ (ரழி) அவர்கள் அறிவித்தார்கள்:
நபி (ஸல்) அவர்கள் கூறினார்கள்: "சொர்க்கவாசிகள் சொர்க்கத்திலும், நரகவாசிகள் நரகத்திலும் நுழைந்ததும், அல்லாஹ் கூறுவான்: 'எவருடைய உள்ளத்தில் ஒரு கடுகளவு ஈமான் (இறைநம்பிக்கை) இருக்கிறதோ அவரை (நரகத்திலிருந்து) வெளியேற்றுங்கள்.' எனவே அவர்கள் வெளியேற்றப்படுவார்கள்; அப்போது அவர்கள் எரிந்து கருகி நிலக்கரியைப் போன்று ஆகியிருப்பார்கள். பின்னர் அவர்கள் 'நஹருல் ஹயாத்' (வாழ்வு நதி) எனும் ஆற்றில் போடப்படுவார்கள். அப்போது, வெள்ளம் சுமந்து வரும் குப்பையில் ஒரு வித்து முளைப்பதைப் போன்று அவர்கள் முளைப்பார்கள்." நபி (ஸல்) அவர்கள் (மேலும்) கூறினார்கள்: "அது (அந்த வித்து) மஞ்சள் நிறமாகவும், வளைந்தும் வெளிவருவதை நீங்கள் பார்க்கவில்லையா?"